पुणे : पुणे (Pune Crime News) शहरातील सिंहगड रोड परिसरामध्ये भरदिवसा गोळीबार झाल्याची घटना समोर आली आहे. या घटनेमुळे परिसरात मोठ्या प्रमाणात खळबळ उडाली आहे. आज सायंकाळी साडे पाचच्या सुमारास ही फायरिंग करण्यात आली आहे. या घटनेमुळे परिसरात भीतीचे वातावरण निर्माण झाले आहे. या घटनेची माहिती मिळताच वरिष्ठ पोलीस अधिकाऱ्यांनी तातडीने घटनास्थळी धाव घेतली.
काय घडले नेमके?
सिंहगड रोड पोलीस ठाण्याच्या हद्दीमध्ये देशी बनावटीच्या पिस्तूलमधून गोळीबार केल्याची घटना समोर आली आहे. पोलिसांनी केलेल्या प्राथमिक तपासात आरोपींनी दोन राऊंड फायर केले आहे. सिंहगड पोलिसांनी याप्रकरणी संशयित आरोपींना ताब्यात घेऊन पुढील तपासाला सुरुवात केली आहे. आरोपींनी नेमक्या कोणत्या कारणामुळे हा गोळीबार केला हे मात्र अद्याप समजू शकलेले नाही. पोलीस आरोपींची कसून चौकशी करत आहेत.