पुणे : पुण्यातून (Pune Crime) एक धक्कादायक घटना समोर आली आहे. यामध्ये घरी लग्नाची धामधूम सुरू असताना नवरदेवाने लग्नाच्या दिवशीच आत्महत्या केली आहे. या घटनेमुळे परिसरात एकच खळबळ उडाली. पिंपरी चिंचवडमध्ये ही घटना घडली आहे. घरात नातेवाईक, पाहुणे मंडळींची लगबग सुरू असताना नरदेवाने पहाटे विहिरीत उडी मारून आपल्या आयुष्याचा शेवट केला. आत्महत्या करण्याच्या अगोदर त्याने मला लग्न करायचे नाही असा मेसेज आपल्या कुटुंबियांना पाठवला. मंगळवारी पहाटे घडलेल्या या प्रकाराने मृत नवरदेवाच्या कुटुंबियांना मोठा धक्का बसला आहे.
काय घडले नेमके?
सूरज रायकर असे आत्महत्या करणाऱ्या तरुणाचे नाव आहे. तो तळेगाव दाभाडे इथं राहत होता. मंगळवारी त्याचं लग्न होतं. लग्नाची धामधूम घरात सुरू होती. सकाळी लवकर त्याने मामाला फोनही केला होता. त्यानंतर तो घरातून बाहेर पडला. त्याने मला लग्न करायचं नाही असा मेसेजही मामाला पाठवला होता. बराच वेळ तो न परतल्याने कुटुंबियांनी त्याचा शोध घेतला.तेव्हा त्याची बाईक आणि मोबाईल विहिरीजवळ आढळून आला. त्याने घराजवळच्या विहिरीत उडी घेऊन आत्महत्या केली.
लग्नाच्या दिवशीच सूरजने असा निर्णय का घेतला हे अद्याप समोर आलेलं नाही. त्याच्या आत्महत्येने आनंदी वातावरण असलेल्या लग्नघरात शोककळा पसरली. सूरजच्या आत्महत्येनंतर त्याच्या मित्रांनी तो असं कसं करू शकतो. तो आत्महत्या नाही करू शकत अशा भावना व्यक्त केल्या. सूरज एकुलता एक मुलगा असल्याने त्याच्या कुटुंबियांना मोठा धक्का बसला आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune Loksabha : पुणे लोकसभेसाठी MIM कडून अनिस सुंडके यांना उमेदवारी जाहीर
Eknath Khadse : खळबळजनक ! एकनाथ खडसे यांना जीवे मारण्याची धमकी
Astavakrasana : अष्टवक्रासन कसे करावे? काय आहेत त्याचे फायदे?
