पुणे: पुण्यातून (Pune Crime) एक धक्कादायक प्रकार समोर आला आहे. यामध्ये इंजिनिअरिंगचे शिक्षण घेण्यासाठी लातूरहुन पुण्यात आलेल्या एका तरुणीची तिच्याच मित्राने हत्या केली आहे. धक्कादायक म्हणजे त्याने खंडणीसाठी ही हत्या केली आहे. या प्रकरणी पोलिसांनी तीन तरुणांना ताब्यात घेतले आहे.
काय आहे नेमके प्रकरण?
भाग्यश्री सूर्यकांत सुडे (वय 22) असे खून झालेल्या तरुणीचे नाव आहे. तर पोलिसांनी याप्रकरणी शिवम फुलावळे, सागर जाधव आणि सुरेश इंदोरे या तिघांना अटक केली आहे. मयत तरुणीचे वडील सूर्यकांत ज्ञानोबा सुडे (वय 49) यांनी विमानतळ पोलिस ठाण्यात अपहरण झाल्याची तक्रार दिली होती.
पोलिसांनी दिलेल्या माहितीनुसार, भाग्यश्री सुडे ही वाघोली परिसरातील एका नामांकित महाविद्यालयात शिक्षण घेत होती. 30 मार्चच्या रात्री नऊ वाजताच्या सुमारास ती विमानतळ परिसरातील फिनिक्स मॉल येथून बेपत्ता झाल्यानंतर तरुणींच्या आई -वडिलांच्या मोबाईलवर ‘नऊ लाख रुपये द्या अन्यथा मुलीला मारून टाकू’ असा खंडणीसाठी धमकीचा मेसेज आला होता. दरम्यान, मुलीसोबत संपर्क होत नसल्याने तिच्या आई-वडिलांनी पुणे गाठून पोलिसात बेपत्ता असल्याची तक्रार दाखल केली.
पोलिसांनी या प्रकरणात तिघांना अटक केली असून तीनही आरोपी मयत तरुणीचे मित्र असल्याचे समोर आले आहे. 30 मार्चच्या रात्री आरोपींनी भाग्यश्रीचे अपहरण आणि तिचा खून केला. यानंतर पुरावा नष्ट करण्यासाठी नगर जिल्ह्यातील सुपा परिसरातील एका शेतात मृतदेह पुरून टाकण्यात आला. तिन्ही आरोपींना पोलिसांनी ताब्यात घेतले असून पुणे पोलीस या प्रकरणाचा अधिक तपास करत आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Maadhavi Latha : चर्चेतील चेहरा : माधवी लता
Gangu Ramsay : बॉलिवूडच्या हॉरर सिनेमांचे मास्टर गंगू रामसे यांचं निधन
Ramdas Athawale : महायुतीत मागितलेल्या जागा न मिळाल्याने रामदास आठवलेंनी केली ‘ही’ मागणी
Nashik Firing : नाशिक हादरलं ! भरवस्तीत टोळक्याकडून फायरिंग
Nagpur News : नागपूरमध्ये भीषण अपघात ! भरधाव ट्रकची 10 पेक्षा अधिक वाहनांना धडक