पुणे : पाकिस्तानला गोपनीय माहिती पुरविल्याच्या आरोपावरून दहशतवादविरोधी पथकाने (ATS) संरक्षण संशोधन आणि विकास संस्थेचे (डीआरडीओ) संचालक आणि वरिष्ठ शास्त्रज्ञ डॉ. प्रदीप कुरुलकर (Pradeep Kurulkar) यांना अटक केली आहे. या प्रकरणी त्यांची अधिक चौकशी केली असता एक धक्कादायक माहिती समोर आली आहे. प्रदीप कुरुलकरसह अन्य एक अधिकारी हनी ट्रॅपमध्ये अडकल्याचा एटीएसला संशय आहे.
डीआरडीएचे संचालक प्रदीप कुरुलकर ज्या महिलेच्या संपर्कात होते त्याच महिलेच्या संपर्कात हा एक अधिकारी असल्याचे समोर आले आहे. या अधिकाऱ्याला एटीएसने ताब्यात घेतले आहे. डीआरडीओचे शास्त्रज्ञ प्रदीप कुरुलकर यांच्या कॉल आणि डेटा तपशीलांची छानणी करत होते तेव्हा त्यांना या गुप्तचर विभागात काम करणाऱ्या अन्य अधिकाऱ्याचा नंबर सापडला.
Breaking : डीआरडीओ चे संचालक डॉ. प्रदीप कुरुलकर यांना 15 मे पर्यंत ATS कोठडी
या दुसऱ्या अधिकाऱ्याने महिलेसोबत कोणतीही गोपनीय माहिती शेअर केली आहे की नाही याचा तपास सध्या एटीएस अधिकारी करत आहेत. या अधिकाऱ्याचा या हनीट्रॅपमध्ये काही संबंध असल्याचा अजून कोणताच पुरावा पोलिसांना सापडला नाही आहे. मात्र, कुरुळकर यांना हनी ट्रॅप (Honey Trap) करण्यासाठी वापरण्यात आलेला क्रमांक गुप्तचर विभागात कार्यरत असलेल्या अधिकाऱ्याच्या बाबतीतही वापरण्यात आला असल्याचे तपासात समोर आले आहे.