पुणे : पुणे महापालिकेच्या मिळकत कर (Property Tax) विभागाचा सर्व्हर डाऊन झाल्याने नागरिकांची मोठ्या प्रमाणत गोची झाली. सर्वसाधरण करामधील 5 टक्के सवलतीची आज अंतिम (31 जुलै) तारीख आहे. तसेच थकबाकीवर 2 टक्के शास्तीची कर आकरला जाणार आहे. त्यामुळे कर भरणा केंद्रावर नागरिकांनी मोठ्या प्रमाणात गर्दी केली. त्यामुळे पुणे महानगरपालिकेने मिळकत कर भरणाऱ्यांना दिलासा ठेण्याचे ठरवले आहे.
पुणे महानगरपालिकेकडून नागरिकांना 15 मे ते 31 जुलै या अडीच महिन्यांच्या कालावधीमध्ये निवासी मिळकत करावर (Residential Tax) 5 टक्के सूट देण्यात आली होती. यातून सुमारे 1100 कोटी रुपयांपेक्षा अधिक उत्पन्न पुणे महानगरपालिकेच्या तिजोरीत जमा झाले. आज या सवलतीचा शेवटचा दिवस असल्याने मिळकत भरण्यासाठी नागरिकांनी क्षेत्रीय कार्यालयाबाहेर रांगा लावल्या होत्या. त्याचबरोबर एकाचवेळी अनेक नागरिक ऑनलाईन कर भरत होते. त्यामुळे ऑनलाईन यंत्रणादेखील कोलमडल्याचे पाहायला मिळाले.
दरम्यान आता मिळकत कर भरण्यासाठी नागरिकांना 2 ऑगस्ट पर्यंत मुदत वाढ देण्याचा निर्णय मनपा प्रशासनाने घेल्यामुळे नागरिकांना मोठा दिलासा मिळाला आहे.
