पुणे- पुण्यात मेट्रो कारशेडचे काम सुरु असताना ५० फूट उंचीवरून पडल्याने एका कामगाराचा मृत्यू झाला. ही घटना रविवारी रात्री उशिरा पौड रस्त्यावरील वनाज कंपनीजवळ घडली.
मूलचंद्रकुमार सीताराम असे मृत्युमुखी पडलेल्या कामगाराचे नाव आहे. तो उत्तर प्रदेशचा राहणारा होता. मिळालेल्या माहितीनुसार या कामगाराने काम करत असताना सुरक्षाविषयक साहित्य घातले होते. मात्र ५० फूट उंचीवरुन खाली पडल्याने तो गंभीर जखमी झाला होता. या घटनेनंतर त्याला तातडीने हॉस्पिटलमध्ये दाखल करण्यात आले. मात्र, उपचारापूर्वीच त्याचा मृत्यू झाला आहे.
या प्रकरणी कोथरुड पोलीस ठाण्यात अकस्मात मृत्यूची नोंद करण्यात आली आहे.
