पुणे : पुणे शहराला पाणीपुरवठा करणाऱ्या खडकवासला धरण पाणी पातळी पाहता महानगरपालिकेने १ जुलै रोजी दिवसाआड पाणीपुरवठा करण्याचा निर्णय घेतला होता. या वर्षी मान्सूनने सुरुवातीला चांगलीच प्रतीक्षा करायला लावली , परंतु त्यानंतर मुसळधार पावसाने शहराला पाणीपुरवठा करणाऱ्या खडकवासला धरणाला तृप्त केले आहे . त्यामुळे पुणेकरांना आता एक दिवसाआड पाणीपुरवठा करण्याचा निर्णय महानगरपालिकेने रद्द केला आहे .
खडकवासला धरणामध्ये सध्या 20 टीएमसी पाणीसाठा आहे . दरम्यान जुलै महिन्यामध्ये पावसाने जोरदार हजेरी लावली. त्यामुळे चारही धरणांमध्ये पुणे शहर आणि परिसराला पुरेपूर पाणी पुरवठा करता येईल एवढा पाणीसाठा आहे. त्याचबरोबर पावसाळा अजून दोन महिने सुरूच राहणार आहे . त्यामुळे धरणे शंभर टक्के भरण्याची देखील शक्यता असल्याने महापालिकेने आता दिवसाआड पाणी कपातीची घोषणा रद्द केली आहे.
