पुणे शहरातील विश्रांतवाडी भागातून एक धक्कादायक घटना समोर आली आहे. विश्रांतवाडी ब्लॉक काँग्रेसचे अध्यक्ष विकास शिवाजी टिंगरे यांनी आपल्या कार्यालयात गळफास घेऊन आत्महत्या केल्याची धक्कादायक घटना उघडकीस आली आहे. आत्मCrime Neहत्या करण्यापूर्वी त्यांनी आपल्या आईला एक चिठ्ठी लिहिली आहे.
याबाबतची माहिती अशी की, विकास टिंगरे हे जमीन खरेदी-विक्रीचा व्यवसाय करीत होते. विश्रांतवाडी ब्लॉक काँग्रेसचे ते अध्यक्ष होते. टिंगरे यांचे पोरवाल रस्त्यावर एका पतसंस्थेच्या शेजारील इमारतीमध्ये कार्यालय आहे. त्याठिकाणी ते रोज जेवण मागवत असत. काल मंगळवारी त्यांनी जेवण मागवले नाही म्हणून नेहमी जेवण आणून देणारा त्यांचा नोकर कार्यालयात आला असता टिंगरे यांनी गळफास घेतल्याचे आढळून आले.
घटनेची माहिती मिळताच विमानतळ पोलिसांनी धाव घेतली. टिंगरे यांनी मृत्यूपूर्वी आईला चिठ्ठी लिहिली असून अद्याप ती चिठ्ठी पोलिसांनी उघडलेली नाही. त्या चिठ्ठीतून त्यांच्या आत्महत्येचे कारण समोर येऊ शकते असे पोलिसांनी सांगितले.
