पुण्यातील ससून रुग्णालयावर लाचलुचपत विभागाकडून मोठी कारवाई करण्यात येत असल्याची माहिती समोर आली आहे. रुग्णालयात तपास अधिकारी पोहचले असून दुपारपासून ही छापेमारी सुरू आहे.
लाचलुचपत प्रतिबंधक विभागाच्या माहितीनुसार, तक्रारदार हे सरकारी नोकरी आहेत. त्यांना डिसॅबिलिटी सर्टिफिकेट काढायचे होते. त्यासाठी त्यांनी पुण्यातील ससून रुग्णालयात अर्ज केला.आरोपी डॉ. पवन शिरसाठ हे ससून रुग्णालयात भौतिकोपचार तज्ञ म्हणून काम करतात. तक्रारदार यांना डिसॅबिलिटी सर्टिफिकेट देण्यासाठी त्यांच्या वरिष्ठांना पैसे द्यावे लागतील असे सांगून त्यांनी तक्रारदार यांच्याकडे साठ हजार रुपयांची मागणी केली.
