परभणी: उपमुख्यमंत्री अजित पवार यांनी वेगळी भूमिका घेत महायुतीत सहभागी होण्याचा निर्णय घेतल्यानंतर अनेक महत्त्वाचे नेते अजित पवारांसोबत आले होते.
मात्र विधानसभा निवडणुकीत महायुतीच्या झालेल्या पराभवानंतर अनेक जण अजित पवारांचे साथ सोडताना पाहायला मिळत असून नुकतेच पिंपरी चिंचवड शहरातील अजित पवारांचे विश्वासू असे ओळख असणाऱ्या अजित गव्हाणे यांनी आपल्या समर्थकांसह राष्ट्रवादी काँग्रेस पार्टी शरदचंद्र पवार पक्षात घरवापसी केली.
त्यानंतर विधानसभेचे उपाध्यक्ष आणि राष्ट्रवादी काँग्रेस पार्टी अजित पवार गटाचे नेते नरहरी झिरवाळ यांचे चिरंजीव गोकुळ झिरवाळ यांनी राष्ट्रवादी काँग्रेस पार्टी शरदचंद्र पवार पक्षातून निवडणूक लढवण्याची तयारी सुरू केली असल्याने अजित पवारांना आणखी एक धक्का बसला.
त्यानंतर आता परभणीतून उपमुख्यमंत्री अजित पवार यांना पुन्हा एकदा धक्का बसण्याची शक्यता राजकीय वर्तुळात वर्तवली जात असून अजित पवार गटाचे नेते माजी विधान परिषद आमदार बाबाजानी दुर्राणी शरद पवार गटात प्रवेश करणार असल्याच्या चर्चांना उधाण आलय नुकतीच बाबाजानी दुर्राणी यांनी राष्ट्रवादी काँग्रेस पार्टी शरदचंद्र पवार पक्षाचे प्रदेशाध्यक्ष जयंत पाटील यांची भेट घेतल्याने या चर्चा सुरू झाल्यात