मुंबई: नुकत्याच पार पडलेल्या विधानपरिषद निवडणुकीत महायुतीचे नऊ पैकी नऊ उमेदवार निवडून आले तर महाविकास आघाडी कडून राष्ट्रवादी काँग्रेस पक्ष शरदचंद्र पवार पक्ष पुरस्कृत शेतकरी कामगार पक्षाच्या जयंत पाटील यांना अवघी बारा मतं मिळाली आणि त्यांचा दारुण पराभव झाला.
या निवडणुकीत काँग्रेसच्या सात आमदारांची मतं फुटली असल्याची चर्चा राजकीय वर्तुळात सुरू झाली असून क्रॉस व्होटिंग विरोधात काँग्रेस प्रदेशाध्यक्ष नाना पटोले चांगलेच ॲक्शन मोडवर आले असून नाना पटोले यांनी एक फेसबुक पोस्ट शेअर करत आता गद्दारांना धडा शिकवणारच असं म्हटलं आहे.
नाना पटोले यांनी आपल्या फेसबुक पोस्टमध्ये म्हटलं आहे काँग्रेस पक्ष हा लोकशाहीला मानणारा पक्ष आहे. राहुल गांधी यांच्या नेतृत्वावर विश्वास ठेवून कार्यकर्ते काम करत आहेत मात्र या कार्यकर्त्यांच्या मेहनतीने आमदार निवडून येतात. मात्र काही लोक निवडून आल्यानंतर पक्षाशी विश्वासघात करतात आणि क्रॉस व्होटिंग करतात. मागील विधान परिषद निवडणुकीमध्ये ही असाच प्रकार घडला होता पण यावेळी आम्ही अशा लोकांना धडा शिकवणार आहोत.
नाना पटोले यांची फेसबुक पोस्ट 👇
https://www.facebook.com/share/p/GTNya8YhD3bNEp1r/?mibextid=oFDknk
नाना पटोले यांच्या या फेसबुक पोस्ट नंतर क्रॉस वोटिंग करणाऱ्या आमदारांविरोधात काँग्रेस काय निर्णय घेत आहे पाहणं महत्त्वाचं असणार आहे
