कोल्हापूर उत्तर विधानसभा निवडणुकीसाठी आज मतदान पार पडत असून त्यासाठीची तयारी पूर्ण झाली आहे.
काँग्रेस आमदार चंद्रकांत जाधव यांच्या मृत्युनंतर ही जागा रिकामी झाल्याने या जागेवर पुन्हा निवडणूक होत आहे. या जागी काँग्रेसच्या आणि महाविकास आघाडीच्या उमेदवार म्हणून चंद्रकांत जाधवांच्या पत्नीवजयश्री जाधव निवडणूक लढवत आहेत. तर भाजपकडून सत्यजीत कदम यांना मैदानात उतरवण्यात आले आहे. अनेक दिग्गज नेते या मतदारसंघात ठाण मांडून बसले आहेत.
प्रदेशाध्यक्ष चंद्रकांत पाटील भाजपकडून जोर लावत आहेत. काँग्रेसला ही जागा पुन्हा मिळावी यासाठी गृहराज्यमंत्री सतेज पाटील फिल्डिंग लावत आहेत.
राज्यभरातील दिग्गज नेत्यांनी कोल्हापुरात जाऊन प्रचार केलाय. मुख्यमंत्री उद्धव ठाकरेंपासून ते विरोधी पक्षनेते देवेंद्र फडणवीसांपर्यंत बडे नेते या प्रचारात उतल्याचे दिसून आले. त्यामुळे ही निवडणूक जास्तच प्रतिष्ठेची झाली आहे.
