छ. संभाजीनगर : छ. संभाजीनगर लोकसभा मतदारसंघ आता पुन्हा एकदा चर्चेत आला आहे. विनोद पाटील (Vinod Patil) हे महायुतीकडून छत्रपती संभाजीनगर लोकसभा मतदारसंघातून निवडणूक लढवण्यासाठी इच्छुक आहेत.मात्र या जागेवर शिवसेनेकडून शिवसेना नेते संदीपान भुमरे यांना उमेदवारी देण्यात आली आहे. यानंतर विनोद पाटील यांनी तातडीने नागपूरमध्ये उपमुख्यमंत्री देवेंद्र फडणवीस यांची भेट घेतली. या भेटीनंतर त्यांनी एक मोठे वक्तव्य केले आहे.
काय म्हणाले विनोद पाटील?
आजची चर्चा सकारात्मक झाली, छत्रपती संभाजीनगर लोकसभा निवडणूक लढवण्यासाठी मी इच्छूक आहे. परवा महायुतीकडून संदीपान भुमरे यांच्या नावाची घोषणा झाली. मुख्यमंत्री एकनाथ शिंदे व मुख्यमंत्री देवेंद्र फडणवीस या दोघांचीही इच्छा होती की मी इथून निवडणूक लढवावी. मात्र महायुतीमधील दोन आमदार आणि एक राज्यसभा सदस्य यांचा माझ्या उमेदवारीला विरोध होता. या निर्णयावर अजूनही पुनर्विचार होईल अशी मला अपेक्षा आहे.मतदारसंघाची सध्याची परिस्थिती पाहता माझ्याकडे विजयाचं गणित आहे, ती चर्चा करण्यासाठी मी आज देवेंद्र फडणवीस यांची भेट घेण्यासाठी आलो होतो.आश्वासन मिळावं यासाठी ही भेट नव्हती.मला महायुतीकडून उमेदवारी मिळाली तर मी ही जागा लढणार आणि नाही मिळाली तरीही मी ताकतीने ही निवडणूक लढविणार. या जागेवर मी इच्छुक आहे. त्यामुळे आता महायुतीने ठरवायचं आहे, असं विनोद पाटील यांनी म्हटलं आहे. यामुळे आता छ. संभाजीनगर लोकसभा मतदारसंघामध्ये नवा ट्विस्ट आता आहे.
चौरंगी लढत होणार?
छ. संभाजीनगर लोकसभा मतदारसंघासाठी शिंदे गटाकडून संदिपान भुमरे यांना उमेदवारी देण्यात आली आहे तर ठाकरे गटाकडून चंद्रकांत खैरें यांना उमेदवारी जाहीर करण्यात आली आहे. तसेच या ठिकाणी एमआयएमकडून पुन्हा एकदा इम्तियाज जलील यांना उमेदवारी देण्यात आली आहे.ही तिहेरी लढत होत असताना विनोद पाटलांनीदेखील निवडणूक लढवण्याचे जाहीर केल्याने या ठिकाणी चौरंगी लढत होण्याची शक्यता आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Loksabha : राष्ट्रवादी अजित पवार गटाचा निवडणुकीसाठीचा जाहीरनामा प्रसिद्ध
Jitendra Awhad : खळबळजनक ! आमदार जितेंद्र आव्हाडांना बिश्नोई गँगने दिली धमकी
Google Maps : लोकेशन शेअर करताना आता इंटरनेटची गरज नाही पडणार; लवकरच लॉन्च होणार ‘हे’ फीचर
Nashik News : नाशिकमध्ये मजुरांना घेऊन जाणाऱ्या रिक्षाचा भीषण अपघात
Weather Update : ‘या’ जिल्ह्यात वादळी पावसाची शक्यता; हवामान खात्याने दिला पुन्हा अलर्ट
Pune Fire : पुण्यात रविवार पेठेतील भोरी आळीमध्ये दुकानांना भीषण आग
Nagpur Accident : नागपूरमध्ये स्कॉर्पिओचा भीषण अपघात; 2 जणांचा मृत्यू