लोकसभा निवडणुकीपूर्वी मनसे सोडत वंचित बहुजन आघाडीमध्ये प्रवेश केलेले पुण्यातील फायर ब्रँड नेते वसंत मोरे आता वंचित ची साथ सोडणार असल्याचं जवळपास निश्चित झालं आहे.
वंचित ला सोडचिठ्ठी देत आता वसंत मोरे शिवसेना उद्धव बाळासाहेब ठाकरे गटामध्ये प्रवेश करणार असल्याची माहिती मिळत असून येत्या 9 जुलै रोजी वसंत मोरे याचा मातोश्रीवर पक्षप्रवेश होणार असल्याची माहिती विश्वसनीय सूत्रांनी दिली आहे.
वसंत मोरे यांनी आज राज्याचे माजी मुख्यमंत्री आणि शिवसेना उद्धव बाळासाहेब ठाकरे पक्षाचे प्रमुख उद्धव ठाकरेंची मातोश्रीवर जात भेट घेतली. या भेटीनंतर ठाकरे गटात प्रवेश करणार असल्याचा बोलला जात आहे.
12 मार्च 2024 रोजी महाराष्ट्र नवनिर्माण सेनेला सोडचिठ्ठी देत वसंत मोरे यांनी वंचित बहुजन आघाडी प्रवेश केला होता पुणे लोकसभा निवडणूक देखील वसंत मोरे यांनी वंचित बहुजन आघाडीच्या तिकिटावर लढवली होती. मात्र या निवडणुकीत अवघी 32000 मतं पसंत मोरे याच्या पदरात पडली. त्यानंतर आता आगामी विधानसभा निवडणुकीच्या पार्श्वभूमीवर वसंत मोरे ठाकरे घटक प्रवेश करत असल्याचं देखील बोलला जात असून खडकवासला अथवा हडपसर विधानसभा मतदार संघातून वसंत मोरे निवडणूक लढवू शकतात अशा चर्चा राजकीय वर्तुळात रंगू लागल्यात