मुंबई : मुख्यमंत्री एकनाथ शिंदे यांनी शिवसेनेच्या 40आमदारांसह बंड केल्याने उद्धव ठाकरे यांना (Thackeray Group) मोठा धक्का बसला होता. यानंतर अनेक नेते पदाधिकारी यांनी उद्धव ठाकरे यांची (Thackeray Group) साथ सोडली. अजूनदेखील उद्धव ठाकरे गटातून मोठ्या प्रमाणावर आउटगोईंग सुरू आहे. यावेळी आदित्य ठाकरे यांचे निकटवर्तीय समजले जाणारे राहुल कनाल यांनी पक्षाला जय महाराष्ट्र केला आहे.
Sharad Pawar : माझ्या राजकीय गुगलीवर फडणवीसांची विकेट गेली : शरद पवार
गेल्या अनेक दिवसांपासून ठाकरे गटाचा (Thackeray Group) महत्वाचा कार्यक्रम असला की शिंदे गटाकडून ठाकरे गटातील पक्ष प्रवेश ठेवण्यात येत आहेत. यावेळी युवासेना प्रमुख आदित्य ठाकरे यांचे अत्यंत जवळचे मानले जाणारे राहुल कनाल हे येत्या 1 जुलै रोजी शिवसेना शिंदे गटात प्रवेश करणार आहेत. मागच्या वर्षी राहुल कनाल यांच्या घरावर सीबीआयचा छापा पडला होता. तेव्हापासून राहुल कनाल हे शिवसेनेत फारसे सक्रिय नव्हते. त्यामुळे ते नाराज असल्याची चर्चा मोठ्या प्रमाणात रंगली होती.
Jalna Crime : कारमध्ये होरपळून मृत्यू झालेल्या ‘त्या’ महिलेचा पतीच ठरला मारेकरी; असा उघडकीस आला बनाव
कोण आहेत राहुल कनाल?
राहुल कनाल यांना उद्योजक म्हणून ओळखलं जातं. युवा सेनेचे सक्रिय पदाधिकारी आहेत. त्याशिवाय, वांद्रे पश्चिम विधानसभा मतदारसंघात इच्छुक उमेदवार आहेत. महाविकास आघाडीची सत्ता असताना राहुल शिर्डी देवस्थान समितीवर सदस्य राहिले आहेत. कनाल हे मुंबई महापालिकेत स्वीकृत सदस्य होते. त्याशिवाय शिक्षण समितीवरही त्यांची वर्णी लागली होती. राहुल कनाल यांनी कोरोना महासाथीच्या काळात रात्री अपरात्री लोकांना अन्नधान्य औषधं देण्याचे काम केले होते.
