मुंबई: गोरेगाव येथील पत्राचाळ जमीन घोटाळा प्रकरणी शिवसेना नेते संजय राऊत यांच्या घरी ईडीचं पथक रविवारी (ता.31 जुलै) सकाळी 7 वाजता दाखल झालं.
तब्बल 9 तासाच्या चौकशीनंतर संजय राऊत यांना ईडीकडून ताब्यात घेण्यात आलं होतं. आणि त्यानंतर रात्री उशीर राऊतांना ईडीकडून अटक करण्यात आली.
संजय राऊत यांना आज सकाळी साडेनऊ वाजता जे.जे.रुग्णालयात मेडिकल चेकअपसाठी घेऊन जाणार आहेत. सकाळी साडेआकरा वाजता संजय राऊत यांना न्यायालयात हजर करण्यात येणार आहे.
रविवारी साकळी सातपासून ईडीच एक पथक संजय राऊत यांच्या भांडुपमधील मैत्री या बंगल्यात ठाण मांडून होतं. दिवसभर चौकशी केल्यानंतर राऊतांना रात्री उशिरा 11.38 वाजता अटक करण्यात आली.