पुणे : बारामती सोबतच शिरूर लोकसभा (Shirur Lok Sabha) मतदारसंघातील लढतीकडे संपूर्ण राज्याचे लक्ष्य लागले आहे. ज्येष्ठ नेते शरद पवार यांनी या मतदारसंघातून खासदार डॉ. अमोल कोल्हे यांना उमेदवारी दिली तर दुसरीकडे राष्ट्रवादी काँग्रेसच्या वतीने अजित पवार यांनी शिवसेनेकडून आयात करून माजी खासदार शिवाजीराव आढळराव पाटील यांना या मतदारसंघातून उमेदवारी दिली आहे. या मतदारसंघाची लढत दुरंगी वाटत असतानाच आता या मतदारसंघातून वंचितने आपला उमेदवार उभा केला आहे. त्यामुळे आता या मतदारसंघात तिहेरी लढत पाहायला मिळणार आहे.
कोण ठरला वंचितचा उमेदवार?
राष्ट्रवादी काँग्रेस, भारतीय जनता पक्ष असा प्रवास करत आलेले पुणे जिल्हा परिषदेचे माजी सदस्य मंगलदास बांदल यांना वंचित कडून शिरूर लोकसभेची उमेदवारी देण्यात आल्यामुळे आता या मतदारसंघात डॉ. कोल्हे – आढळराव पाटील- बांदल अशी तिरंगी लढत होणार आहे. मंगलदास बांदल हे अपक्ष म्हणून पुणे जिल्हा परिषदेवर निवडून आल्यानंतर त्यांनी राष्ट्रवादी काँग्रेसमध्ये प्रवेश केला होता.
विधानसभेच्या निवडणुकीत शिरूर विधानसभा मतदारसंघासाठी राष्ट्रवादी काँग्रेसकडून निवडणूक लढवण्यासाठी इच्छुक असताना देखील त्यांचे तिकीट कापण्यात आल्यामुळे त्याने भाजपमध्ये प्रवेश केला होता. राज्याचे सहकारमंत्री दिलीप वळसे पाटील यांच्या विरोधात आंबेगाव तालुक्यातून त्यांनी विधानसभेची निवडणूक देखील लढवली मात्र त्यांना पराभव स्वीकारावा लागला होता.
खंडणी सोबतच फसवणुकीच्या गुन्ह्यात मंगलदास बांदल यांनी दोन वर्षांचा तुरुंगवास झाला होता. रांजणगाव ‘एमआयडीसी’मधून खंडणी मागितल्या प्रकरणी त्यांच्यावर गुन्हे देखील दाखल आहेत. शिवाजीराव भोसले सहकारी बँकेतील आर्थिक घोटाळा प्रकरणा मध्ये बांदल यांना मे 2021 मध्ये अटक करण्यात आली होती. नुकतेच जामिनावर तुरुंगातून बाहेर येताच त्यांनी ज्येष्ठ नेते शरद पवार, अजित पवार,देवेंद्र फडणवीस यांची भेट घेण्याचा प्रयत्न देखील केला होता.
शिरूर लोकसभा मतदारसंघातून इच्छुक असल्यामुळे माजी खासदार आढळराव पाटील यांच्या राष्ट्रवादी काँग्रेसमध्ये प्रवेशाच्या वेळी आणि उमेदवारी जाहीर करताना मंगलदास बांदल यांनी उपस्थिती दर्शवल्या नंतर त्यांनी देवेंद्र फडणवीस यांची भेट देखील घेतली होती. मराठा समाज आंदोलनाचे नेते मनोज जरांगे पाटील आणि वंचित बहुजन आघाडीचे प्रकाश आंबेडकरांची भेट देखील घेतली होती. अखेर बांदल यांना वंचितकडून उमेदवारी जाहीर केल्यामुळे शिरूरमध्ये जोरदार तिरंगी लढत पाहायला मिळणार आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Karan Pawar : चर्चेतील चेहरा : करण पवार
Vijender Singh : बॉक्सर विजेंदर सिंगचा भाजपमध्ये प्रवेश
Amit Thackeray : ‘…हे भान सरकारला यावे’,अमित ठाकरेंची ‘ती’ पोस्ट व्हायरल
Hatkanangale Loksabha : आढावा हातकणंगले लोकसभा मतदारसंघाचा
Pune News : पुण्यात शंभरी पार केलेले किती उमेदवार? काय सांगतो सर्व्हे
Navneet Kaur Rana : चर्चेतील लोकसभा उमेदवार : नवनीत राणा
LokSabha : उद्धव ठाकरे गटाची दुसरी यादी जाहीर
Unmesh Patil : भाजपला मोठा धक्का ! विद्यमान खासदार उन्मेष पाटलांचा ठाकरे गटात प्रवेश
Crime News : धक्कादायक ! पती -पत्नी आणि मैत्रिणीचा हॉटेलमध्ये आढळला मृतदेह
Solapur Fire : अन्नपूर्णा टेक्स्टाईल कंपनीला भीषण आग; अग्निशामक दलाच्या 8 गाड्या घटनास्थळी दाखल
Bhiwandi News : भिवंडी हादरलं ! क्रिकेटच्या वादातून चाकू हल्ला; एकाचा मृत्यू