मुंबई : शिवसेना नेते संजय राऊत यांना ईडीने अटक केल्यानंतर त्यांना आता 4 ऑगस्टपर्यंत इडी कोठडी सुनावण्यात आली आहे . राऊत यांच्या अटकेनंतर शिवसैनिकांनी जोरदार निदर्शने केली . शिवसेना पक्षप्रमुख उद्धव ठाकरे यांनी देखील राऊत यांच्या घरी जाऊन कुटुंबीयांना धीर दिला .
त्यानंतर उद्धव ठाकरे यांनी पत्रकार परिषद घेऊन भाजपवर थेट आरोप प्रत्यारोप देखील केली आहे . तर दुसरीकडे शिंदे गटातील आमदारांनी राऊत यांच्या अटकेचा आनंद झाल्याच्या प्रतिक्रिया व्यक्त केल्या . विशेष म्हणजे मुख्यमंत्री एकनाथ शिंदे यांनी देखील सकाळी 8 वाजता लागणारा भोंगा आता बंद झाला असे प्रतिक्रिया व्यक्त केली.
एकीकडे संजय राऊत यांच्या अटकेनंतर टीका टिप्पणी होत असतानाच एका ट्विटमुळे अधिक खळबळ उडाली आहे . हे ट्विट आहे भाजपचे आमदार अतुल भातखळकर यांचं… या ट्रीटमध्ये अतुल भातखळकर यांनी केवळ एक शब्द लिहिला आहे . जो आहे ‘खाकस्पर्श’ आणि त्यासह त्यांनी तीन फोटो पोस्ट केले आहेत .
खाकस्पर्श… pic.twitter.com/uBs5qq0qal
— Atul Bhatkhalkar (मोदी का परीवार) (@BhatkhalkarA) July 31, 2022
या फोटोमध्ये आपण पाहू शकतो की , राष्ट्रवादीचे सर्वेसर्वा शरद पवार हे तीनही फोटोमध्ये दिसत आहेत . पहिल्या फोटोत त्यांनी माजी गृहमंत्री अनिल देशमुख यांचा हात पकडला आहे. दुसऱ्या फोटोमध्ये त्यांनी माजी मंत्री नवाब मलिक यांचा हात पकडला आहे . तर तिसऱ्या फोटोमध्ये पवार यांनी संजय राऊत यांचा हात पकडला आहे . हे तीनही नेते ज्यांचा हात शरद पवार यांनी पकडला आहे हे सध्या इडी कारवाईमुळे अटकेत आहेत. त्यांच्या या फोटो आणि त्यास दिलेल्या कॅप्शनमुळे राजकीय वर्तुळात मोठी खळबळ उडाली आहे.
