शिवसेना पक्षाचं नाव आणि धनुष्यबाण हे पक्षचिन्ह ज्याप्रमाणे एकनाथ शिंदे गटाला देण्याचा निर्णय केंद्रीय निवडणूक आयोगाने काही महिन्यांपूर्वी घेतला होता. त्याच निर्णयाची पुनरावृत्ती मंगळवारी अजित पवार गटासंदर्भात पाहायला मिळाली. निवडणूक आयोगाने पक्षाचे संस्थापक शरद पवार यांना धक्का देणारा निर्णय घेत राष्ट्रवादी काँग्रेस हे पक्षाचं नाव आणि घड्याळ हे पक्ष चिन्ह अजित पवार गटाच्या ताब्यात दिले. निवडणूक आयोगाच्या या निर्णयानंतर उद्धव ठाकरे गटाचे खासदार संजय राऊत (Sanjay Raut) यांनी थेट मुख्यमंत्री एकनाथ शिंदे आणि उपमुख्यमंत्री अजित पवार यांना थेट आव्हानचं दिले.
काय म्हणाले संजय राऊत?
संजय राऊत यांनी शिंदे आणि अजित पवार यांना आव्हान देताना म्हणाले, “तुमच्यात हिंमत असेल तर तुम्ही स्वत:चे पक्ष स्थापन करा आणि लोकांसमोर जा आणि सांगा की हा माझा पक्ष आहे, मला मत द्या! तुम्ही अशा चोऱ्यामाऱ्या, दरोडेखोरी, लपंगेगिरी करुन राजकारण करणार असाल तर हे तात्पुरतं राजकारण आहे,” असे म्हणाले.
भाजपालादेखील दिला सूचक इशारा
“एकनाथ शिंदे आणि अजित पवार यांचं अभिनंदन भाजपाचे लोक त्यांना पक्ष मिळाल्याबद्दल करत आहेत. पण लक्षात घ्या उद्या तुमचाही पक्ष हातातून जाऊ शकतो. आज मोदी-शाहांची गॅरंटी ही तत्पुरती गॅरंटी आहे. उद्याचा काळ अत्यंत भयंकर आहे आणि भाजपाला याचे परिणाम भोगावे लागतील,” असा सूचक इशारा संजय राऊत यांनी भाजपाला दिला आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Nashik News: मुंबई-आग्रा महामार्गांवर बर्निंग ट्रकचा थरार
Pune Crime News : प्रेमप्रकरण जीवावर बेतलं ! पुण्यातील ‘त्या’ हिरे व्यापाऱ्याची गुवाहाटीमध्ये हत्या