मुंबई : सध्या मराठा आरक्षणावरून वाद निर्माण होताना दिसत आहे. मराठ्यांना सरसकट आरक्षण देण्यावर ओबीसी नेत्यांनी आक्षेप घेतला आहे. मंत्री छगन भुजबळ यांनी तर हा मुद्दा उचलून धरत मराठ्यांच्या सरसकट आरक्षणाला विरोध केला आहे. यादरम्यान आता ओबीसी नेते प्रकाश शेंडगे यांनी मराठा आरक्षणावर वादग्रस्त वक्तव्य केले आहे.
काय म्हणाले प्रकाश शेंडगे ?
मराठा आरक्षणाचा पोपट मेलाय असे मोठं विधान ओबीसी नेते प्रकाश शेंडगे यांनी केले आहे. संघर्ष टाळण्यासाठी मराठा समाजानं आरक्षण वाढवून घ्यावं किंवा EWS चा लाभ घ्यावा असा सल्ला देखील शेंगडें यांनी दिला आहे. मराठा समाज मागास नाही, असं कोर्टानंही म्हटलंय. मराठा समाजानं EWSमधून किंवा वाढवून आरक्षण घ्यावं, म्हणजे मराठा-ओबीसी वाद संपेल, असे शेंडगे म्हणाले आहेत.
सरसकट मराठा आरक्षणाला विरोध करण्यावरुन छगन भुजबळांविरोधात सर्वपक्षीय मराठा नेते एकवटलेले असताना..भुजबळांना ओबीसी नेत्यांचं समर्थन वाढलंय. राज्यातील प्रमुख ओबीसी नेत्यांनी छगन भुजबळांची भेट घेतली आणि भुजबळांच्या भूमिकेचं समर्थन केलं. या बैठकीत आमदार प्रकाश शेंडगे, प्राध्यापक टी.पी.मुंडे, जे.डी.तांडेल, लक्ष्मण गायकवाड उपस्थित होते. भुजबळांच्या निवासस्थानी झालेल्या बैठकीनंतर ओबीसी नेत्यांनी थेट देशभरातल्या ओबीसी नेत्यांना साद घातली आहे. तसेच मराठ्यांना ओबीसीतून आरक्षण देतील ते सत्तेबाहेर जातील असा खणखणीत इशारादेखील छगन भुजबळांनी सरकारला दिला आहे.
