सांगली : लोकसभा निवडणुकीत (Sangli Loksabha) उमेदवारीवरून नाराज झालेल्या काँग्रेस नेत्याची मनधरणी करण्यात पक्षश्रेष्ठींना यश आले आहे. महाराष्ट्र प्रभारी रमेश चेन्निथला यांच्या मध्यस्थीनंतर नसीम खान यांनी यु टर्न घेत आपला स्टार प्रचारक पदाचा राजीनामा मागे घेतला. यानंतर महाराष्ट्र प्रभारी रमेश चेन्निथला यांनी पत्रकारांशी संवाद साधला. यावेळी बोलताना त्यांनी सांगलीतील बंडखोर उमेदवार विशाल पाटील यांच्यावरील कारवाईबाबतही माहिती दिली.
काय म्हणाले विशाल पाटील?
कोल्हापुरात बंडखोरी केल्यानं काँग्रेसने बाजीराव खाडे यांच्यावर कारवाई केली. पण अद्याप सांगलीत विशाल पाटील यांच्यावर कोणतीच कारवाई करण्यात आलेली नाही. याबद्दल महाराष्ट्र प्रभारी रमेश चेन्निथला यांना विचारले असता ते म्हणाले की, महाविकास आघाडी एकजूट आहे आणि सांगलीची जागा आम्ही शिवसेनेला दिली आहे. विशाल पाटील यांच्यावर कारवाईची प्रक्रिया सुरू आहे. सांगलीत आमचं समर्थन शिवसेनेच्या उमेदवाराला आहे. तर कोल्हापूरचा उमेदवार इतका महत्वाचा नव्हता.
कोल्हापुरातील बंडखोर नेत्यावर कारवाई
कोल्हापुरात बाजीराव खाडे यांनी शाहू महाराजांविरोधात बंडखोरी केली. यानंतर काँग्रेसने बाजीराव खाडे यांना 6 वर्षांसाठी पक्षातून निलंबित केलं. बाजीराव खाडे हे टीम प्रियांका गांधींचे सल्लागार होते. त्यांच्याकडे काँग्रेसच्या राष्ट्रीय सचिव पदाचीसुद्धा जबाबदारी होती. गेल्या 27 वर्षांपासून काम करूनही आपली दखल घेतली नसल्याची खंत त्यांनी व्यक्त केली होती.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Nashik News : सप्तश्रृंगी गडावरून उडी मारून प्रेमी युगुलाची आत्महत्या
Punit Balan : ‘इंद्राणी बालन फाऊंडेशन’कडून ‘एसएनडीटी‘ला 60 संगणक भेट
Loksabha Election : लोकसभा निवडणुकीत महाष्ट्रात ‘या’ 11 ठिकाणी होणार हायहोल्टेज सामने