पुणे : राज्यात सध्या लोकसभेच्या निवडणुकीसाठी महायुतीकडून जागावाटपाची चर्चा सुरु आहे. अनेक बैठका घेतल्या जात आहेत. त्यातच पुणे आणि बारामतीकडे राज्याचं लक्ष लागलं आहे. पुणे लोकसभेसाठी भाजपकडे इच्छूकांची मोठी रांग आहे. त्यातच पुण्यातील भाजपच्या इच्छूकांनी सोशल मीडियावर आपला प्रचार करायला सुरुवात केली आहे.
‘जलने वालो को खबर कर दो, अब हम ट्रेंडिंग मे आ रहै है’, अशा आशयाचा व्हिडीओ मुरलीधर मोहोळांनी इंस्टाग्रामवर शेअर केला आहे. यातून त्यांनी त्यांच्या विरोधकांना इशारा दिला आहे. भाजपची संभाव्य यादी जाहीर होताच मुरलीधर मोहोळांच्या विरोधात भाजपनेच बॅनरबाजी केली होती. स्टॅंडिंग दिली , महापौर केलं , सरचिटणीस पण दिलं. आता खासदारकी पण? आता बास झालं तुला नक्की पडणार, अशा आशयाचे बॅनर्स लावण्यात आले होते. त्यानंतर त्यांनी या बॅनरवर बोलताना रात गई बात गई, अशी प्रतिक्रिया दिली होती. मात्र सोशल मीडियावरुन ‘जलने वालो को खबर कर दो, अब हम ट्रेंडिंग मे आ रहै है, असा व्हिडीओ पोस्ट करत त्यांनी भाजपलाच इशारा दिलाय का?, असा प्रश्न उपस्थित झाला आहे.
भाजपने लोकसभेची संभाव्य यादी जाहीर केली. त्यात पुण्यासाठी मुरलीधर मोहोळ यांचं नाव आहे. त्यांनीदेखील सोशल मीडियावरुन आपल्या कामाचा आढावा शेअर करायला सुरुवात केली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Manohar Lal Khattar : हरियाणामध्ये राजकीय भूकंप ! मनोहरलाल खट्टर यांचा राजीनामा