नागपूर : अजित पवारांनी (Ajit Pawar) आपल्या काही समर्थक आमदारांसह राष्ट्रवादीमधून बंड केल्यामुळे पक्षात मोठी फूट पडली आहे. यामुळे आता राष्ट्रवादीच्या पदाधिकाऱ्यांमध्ये संभ्रमाचे वातावरण आहे. आता राष्ट्रवादीकडून कारवाईचा बडगा उगारला जात आहे. अजित पवार (Ajit Pawar) यांच्या कृतीचं समर्थन केलं म्हणून नागपूर ग्रामीणचे राष्ट्रवादी जिल्हाध्यक्ष बाबा गुजर यांच्यावर पक्षाकडून कारवाई करण्यात आली आहे. त्यांची पदावरून हकालपट्टी करून कार्याध्यक्ष राजू राऊत यांची नागपूर ग्रामीण राष्ट्रवादीचे हंगामी जिल्हाध्यक्ष म्हणून नियुक्ती केली आहे.
प्रफुल्ल पटेल, सुनील तटकरे यांच्यावर पक्षविरोधी कारवाई करावी; सुप्रिया सुळेंचे पवारांना पत्र
अजित पवार यांच्या बंडखोरीनंतर पक्षाच्या पदाधिकाऱ्यांमध्ये संभ्रमाचे वातावरण आहे. अजित पवार यांना पाठिंबा देणाऱ्या पदाधिकाऱ्यांवर राष्ट्रवादीकडून कारवाई करण्यात येत आहे. अशीच कारवाई नागपूर ग्रामीणचे राष्ट्रवादी जिल्हाध्यक्ष बाबा गुजर यांच्यावर करण्यात आली आहे. त्यांची जिल्हाध्यक्ष पदावरून उचलबांगडी करण्यात आली आहे. त्यांच्या जागी कार्याध्यक्ष राजू राऊत यांची नागपूर ग्रामीण राष्ट्रवादीचे हंगामी जिल्हाध्यक्ष म्हणून नियुक्ती करण्यात आली आहे.
मंत्रिपदाची शपथ घेणाऱ्या 9 आमदारांवर होणार शिस्तभंगाची कारवाई; जयंत पाटलांचं मोठं पाऊल
जयंत पाटील यांच्याकडून कारवाई
अजित पवार (Ajit Pawar) यांचं समर्थन केल्यामुळे बाबा गुजर यांच्यावर जयंत पाटलांकडून ही कारवाई करण्यात आली आहे. यापुढे पक्षाचं चिन्ह वापरु नये जर वापरले तर कायदेशीर कारवाई करु असं पत्र देखील जयंत पाटील यांच्याकडून पाठवण्यात आले आहे.
