अमरावती- खासदार नवनीत रवी राणा यांना केंद्रीय गृहमंत्रालयाद्वारे वाय प्लस सुरक्षा प्रदान करण्यात आली आहे. या निर्णयामुळे खासदार नवनीत रवी राणा यांचा व्हीव्हीआयपी श्रेणीत समावेश झाला आहे.
केंद्रीय गृहमंत्री अमित शहा यांच्या निर्देशानुसार खासदार राणा यांना ही वाय प्लस श्रेणीची सुरक्षा व्यवस्था प्रदान करण्यात आली आहे. संपूर्ण देशात कुठेही फिरतांना आता खासदार नवनीत रवी राणा यांना वाय प्लस दर्जाचे सुरक्षा कवच मिळणार आहे. नवनीत राणा यांच्या जीवाला धोका असल्याचा अहवाल केंद्रीय गुप्तचर यंत्रणेने गृहमंत्रालयाला दिला होता. त्याची गांभीर्याने दखल घेऊन केंद्रीय गृहमंत्री अमित शाह यांनी खासदार नवनीत रवी राणा यांच्या सुरक्षेसाठी ही वाय प्लस सुरक्षा यंत्रणा प्रदान करण्याचे निर्देश दिले आहेत.
केंद्र सरकारने प्रदान केलेल्या या सुरक्षा व्यवस्थेत एस पी ओ, एन एस जीचे कमांडो, सी एस एफ चे बंदूकधारी जवान, शासकीय पायलट कार, दोन स्कॉर्पिओ गाड्या आदी ताफा पुरविण्यात येणार आहे. हे सुरक्षा पथक खासदार नवनीत रवी राणा यांच्या समवेत २४ तास राहणार आहेत.