अमरावती : नवनीत राणांच्या (Navneet Kaur Rana) जात प्रमाणपत्र प्रकरणी आज सर्वोच्च न्यायालयात सुनावणी न्यायमूर्ती जे. के. महेश्वरी आणि संजय करोल यांच्या खंडपीठात पार पडली असून त्यांनी निकाल जाहीर केला. नवनीत राणांच्या जात प्रमाणपत्रावर सर्वोच्च न्यायालयाकडून शिक्कामोर्तब करण्यात आले.त्यामुळे नवनीत राणा यांना दिलासा मिळाला आहे. मुंबई उच्च न्यायालयाकडून नवनीत राणां यांचे जात प्रमाणपत्र बनावट असल्याचा निर्णय देण्यात आला होता मात्र आता सर्वोच्च न्यायालया कडून उच्च न्यायालयाचा निर्णय रद्द करून नवनीत राणांचे जात प्रमाणपत्र वैध ठरवण्यात आले आहे.
मुंबई उच्च न्यायालयाने नवनीत राणा यांचे जात प्रमाणपत्र 2021 मध्ये अवैध ठरवल्यानंतर नवनीत राणा यांनी सर्वोच्च न्यायालयात धाव घेतली होती. या प्रकरणात सर्वोच्च न्यायालया कडून उच्च न्यायालयाच्या निकालाला स्थगिती देण्यात आली होती. त्यासोबतच, बोगस जात प्रमाणपत्र पडताळणी प्रकरणाचा दोनही गटाचा युक्तीवाद 28 फेब्रुवारीला पूर्ण झाला. यावेळी सर्वोच्च न्यायालयाकडून याप्रकरणाचा निकाल राखून ठेवण्यात आला होता.
नेमके काय आहे प्रकरण?
मुंबई उच्च न्यायालयाकडून 8 जून 2021 रोजी नवनीत राणांचे जात प्रमाणपत्र रद्द करण्यात आले होते. त्यांना न्यायालयाने दोन लाख रुपयांचा आर्थिक दंड ठोठावल्या नंतर नवनीत राणा यांनी सर्वोच्च न्यायालयात धाव घेतली होती. माजी खासदार आनंदराव अडसूळ आणि सुनिल भालेराव या नेत्यांनी राणा यांच्या जात प्रमाणपत्रावर आक्षेप घेणाऱ्या याचिका 2017 साली दाखल केल्या होत्या. राणा यांनी निवडणूक अर्ज दाखल करताना अनुसूचित जमातीबाबत दिलेले प्रमाणपत्र बोगस असून जात प्रमाणपत्र समितीसमोरही त्यांनी खोटा जातीचा दाखला देण्यात आल्याचा दावा या याचिकांच्या माध्यमातून करण्यात आला होता.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Bharati Pawar : चर्चेतील चेहरा : भारती पवार
Congress : लोकसभेच्या तोंडावर ‘या’ काँग्रेस नेत्याचा तडकाफडकी राजीनामा
Loksabha : अजितदादांची मोठी खेळी; अखेर ‘तो’ बडा नेता लागला हाती
Sanjay Nirupam : निरुपम यांची काँग्रेसमधून हकालपट्टी
Purvottanasana : पूर्वोतानासन कसे करावे? काय आहेत त्याचे फायदे?
