पुणे : आज मराठा आरक्षण आंदोलक मनोज जरांगे पाटील (Manoj Jarange) हे पुण्याच्या शिवाजी नगर कोर्टात हजर झाले होते. 2013 च्या एका फसवणुकीच्या गुन्ह्याच्या प्रकरणात जरांगे पाटील हे आज शिवाजी नगर कोर्टात हजर झाले आहेत. न्यायालयाने त्यांना 2013 साली कोथरूड पोलीस ठाण्यात दाखल असलेल्या एका फसवणुकीच्या गुन्ह्यामध्ये वॉरंट बजावले होते. त्यानंतर ते न्यायालयासमोर हजर झाले आहेत. जरांगे पाटील यांच्या शिवबा संघटनेने 2013 मध्ये एका नाटकाचं आयोजन केलं होतं. मात्र त्या नाटकाचे पैसे देण्यात आले नसल्याचा आरोप त्यांच्यावर होता. याप्रकरणी न्यायालयामध्ये तक्रार दाखल करण्यात आली होती. त्यानंतर न्यायालयाने पोलिसांना दिलेल्या आदेशानुसार कोथरूड पोलीस ठाण्यात गुन्हा दाखल करण्यात आला होता.
या संदर्भात मनोज जरांगे पाटील हे आज शिवाजी नगर कोर्टात हजर झाले होते. यावेळी त्यांच्याशी संवाद साधला असता, न्यायालयासमोर सर्व समान आहेत, न्यायालयाच्या आदेशाचे पालन करण्यासाठी मी कोर्टात हजर झालो आहे. याविषयी अधिक बोलणे उचित होणार नसल्याची प्रतिक्रिया जरांगे पाटील यांनी दिली.
मनोज जरांगे पाटलांनी केली मोठी घोषणा
यादरम्यान मनोज जरांगे पाटील यांनी मोठी घोषणा केली. जर सरकारने सगेसोयरे शब्दाबाबत कोणतीही अमंलबजावणी केली नाहीतर आपण विधानसभेच्या 288 जागांवर निवडणूक लढवणार असल्याचे त्यांनी सांगितले आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
T-20 World Cup 2024 : ना रोहित, ना विराट T-20 विश्वचषकात ‘या’ एकमेव भारतीय फलंदाजाने झळकावलंय शतक
Monsoon Update : केरळमध्ये मान्सून दाखल ! महाराष्ट्रात कधी येणार? हवामान खात्याने वर्तवला ‘हा’ अंदाज
ICC T-20 World Cup 2024: टी-20 विश्वचषकात ‘हे’ 5 दिग्गज ठरू शकतात फ्लॉप