छ. संभाजीनगर : छ. संभाजीनगरच्या राजकीय वर्तुळातुन (Maharashtra Politics) एक मोठी बातमी समोर आली आहे. यामध्ये राष्ट्रवादीचे ग्रामीण जिल्हाध्यक्ष मनोज घोडके यांनी लोकसभेसाठी अपक्ष उमेदवारी अर्ज दाखल केला आहे. यामुळे जिल्ह्याच्या राजकारणात मोठा ट्विस्ट निर्माण झाला आहे. मनोज घोडके यांची उमेदवारी कायम राहिल्यास या मतदारसंघामध्ये ओबीसींच्या मतांमध्ये मोठी फूट पडण्याची शक्यता आहे.
छत्रपती संभाजीनगरमध्ये राष्ट्रवादीत मोठी फूट पडल्याचं समोर आलं आहे. राष्ट्रवादीचे ग्रामीण जिल्हाध्यक्ष मनोज घोडके यांनी अपक्ष उमेदवारी अर्ज दाखल केला आहे. अर्ज मागे घेणार नसून पूर्ण ताकतीने निवडणूक लढू आणि ओबीसी समाजाचा एक खासदार संसदेत पाठवू अशी प्रतिक्रिया त्यांनी दिली आहे. छगन भुजबळ यांनी आयुष्यभर दुसऱ्यांना तिकीटं देण्याचं काम केलं मात्र त्यांना तिकीट मिळत नाही. महायुतीला ओबीसीच्या मतांची गरज नसल्यामुळे आमचा प्रतिनिधी असावा म्हणून अर्ज दाखल केल्याचं घोडके यांनी सांगितले.
कोण आहेत मनोज घोडके ?
घोडके हे राष्ट्रवादीचे ग्रामीण जिल्हाध्यक्ष आहेत, सोबतच ते समता परिषदेचे जिल्हाध्यक्ष देखील आहेत. भुजबळ यांचे कट्टर समर्थक म्हणून त्यांना ओळखले जाते. घोडके यांचा उमेदवारी अर्ज कायम राहिल्यास छत्रपती संभाजीनगर लोकसभा मतदारसंघात ओबीसी मतांमध्ये मोठी फूट पडण्याची शक्यता आहे. या सगळ्यांचा फटका महायुतीच्या उमेदवाराला बसण्याची शक्यता आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Naseem Khan : काँग्रेस नेते नसीम खान यांनी तडकाफडकी स्टार प्रचारकपदाचा दिला राजीनामा
Hingoli News : कूलरची हवा बेतली जीवावर !14 वर्षीय विद्यार्थ्यांला गमवावा लागला जीव
Accident News : मुंबई-पुणे एक्स्प्रेस वे वर पहाटेच्या सुमारास खाजगी ट्रॅव्हल्सला भीषण आग