मुंबई : मुख्यमंत्री एकनाथ शिंदे यांच्या शिवसेनेने लोकसभेसाठी (Loksabha Election) पहिली उमेदवार यादी जाहीर केली असून पहिल्या उमदेवार यादीत 8 जणांचा समावेश आहे मात्र यामध्ये ठाणे आणि नाशिकमधील उमेदवार अजून घोषित करण्यात आले नाहीत कारण ठाण्यावर भाजपने तर नाशिकवर राष्ट्रवादीने दावा केल्याची माहिती आहे.
शिवसेनेच्या 8 उमेदवारांची यादी जाहीर झाल्यानंतर त्यामध्ये नाशिक आणि ठाण्याची उमेदवारी मात्र जाहीर करण्यात आली नाही.नाशिकच्या हेमंत गोडसेंच्या नावाला भाजपचा विरोध आहे, त्याचवेळी राष्ट्रवादीने त्या जागेवर दावा केला आहे. तर दुसरीकडे एकनाथ शिंदेंच्या घरच्या ठाण्याच्या जागेवरच भाजपने दावा केला आहे. ही जागा आपल्यालाच मिळावी म्हणून भाजप आग्रही आहे. तर ठाणे हा शिवसेनेचा बालेकिल्ला असल्याने शिंदेही ती जागा सोडण्यास तयार नाहीत. शिवसेनेच्या दोन्ही गटाच्या पहिल्या यादी जाहीर झाल्यानंतर ठाकरेंची सेना विरुद्ध शिंदेंची सेना अशी 5 ठिकाणी लढत होणार.
तर पाहुयात कोणत्या ठिकाणी सेना विरुद्ध सेना अशी लढत होणार
दक्षिण मध्य मुंबई – अनिल देसाई विरुद्ध राहुल शेवाळे
शिर्डी- भाऊसाहेब वाकचौरे विरुद्ध सदाशिव लोखंडे
बुलढाणा- नरेंद्र खेडेकर विरुद्ध प्रतापराव जाधव
हिंगोली- नागेश पाटील आष्टीकर विरुद्ध हेमंत पाटील
मावळ- संजोग वाघेरे विरुद्ध श्रीरंग बारणे
तर या शिवसेना विरुद्ध शिवसेना लढतीत कोण बाजी मारणार हे पाहणे महत्वाचे ठरणार आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Smita Wagh : चर्चेतील चेहरा : स्मिता वाघ
Govinda : अभिनेता गोविंदा बनणार का राजकारणात पुन्हा एकदा हिरो नंबर 1?
