छत्रपती संभाजीनगर : लोकसभा निवडणुकीचं (Lok Sabha Elections) बिगूल वाजलं आहे. छत्रपती संभाजीनगर लोकसभा मतदारसंघातून महाविकास आघाडीकडून शिवसेना ठाकरे गटाचे माजी खासदार चंद्रकांत खैरे यांना उमेदवारी जाहीर करण्यात आली आहे. मात्र महायुतीकडून अद्याप कोणालाही उमेदवारी देण्यात आली आहे. मात्र आता जिल्ह्याच्या राजकारणात मोठं ट्विस्ट निर्माण होण्याची शक्यता आहे. माजी आमदार हर्षवर्धन जाधव हे पुन्हा एकदा लोकसभेच्या रिंगणात उतरण्यासाठी इच्छूक आहेत.
काय म्हणाले हर्षवर्धन जाधव ?
‘मराठा आरक्षणाच्या अनुषगांने मनोज जरांगे पाटील यांनी जे वक्तव्य केलं, ज्यांना पाडायचं त्यांना पाडा, ज्यांना निवडून आणायचं त्यांना आणा. ज्यांनी काम केलं त्यांना निवडून आणा. ज्यांनी काम केलं नाही त्यांना पाडा. या पार्श्वभूमीवर मराठा आरक्षणासाठी राजीनामा देणार मी एकमेव आमदार आहे. जनतेची कामं देखील केलेली आहेत. गेल्यावेळी जलील यांना वंचित बहुजन आघाडीचा पाठिंबा होता. मात्र आता प्रकाश आंबेडकर त्यांच्यासोबत नाहीयेत. तर दुसरीकडे खैरेंना देखील फुटीचा मोठा फटका बसू शकतो. शिवसेनेत दोन गट झाले आहेत. मात्र गेल्या वेळी मला जे मतदान झालं ते मतदान मला फिक्स होणार आहे. मला वाटतं मी सामान्य जनतेसाठी लढलं पाहिजे म्हणून मी पुन्हा एकदा अपक्ष निवडणूक लढवण्याची भूमिका जाहीर केली आहे,’ असं हर्षवर्धन जाधव यांनी म्हटलं आहे.
तसेच प्रकाश आंबेडकर यांनी जर संधी दिली तर वंचित बहुजन आघाडीच्या वतीनं निवडणुकीच्या रिंगणात उतरू, अशी इच्छा देखील त्यांनी व्यक्त केली आहे. हर्षवर्धन जाधव यांची यावेळी पुन्हा एकदा निवडणुकीच्या रिंगणात एन्ट्री होणार असल्यानं निवडणुकीत मोठी चूरस निर्माण होण्याची शक्यता आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Yavatmal News : उष्णतेमुळे कोळसा डेपोला भीषण आग; 10 हजार टन कोळशाची झाली राख
Clove Side Effects : ‘या’ लोकांनी उन्हाळ्यात चुकूनही करू नये लवंगाचे सेवन; होतील ‘हे’ दुष्परिणाम
Maharashtra Politics : उद्धव ठाकरेंना मिळाला दिलासा ! दानवे, खैरेंचं अखेर झालं मनोमिलन
Bank Fraud : राज्यातील ‘या’ बँकेतील घोटाळा उघड; ठेवीदारांमध्ये भीतीचे वातावरण
Pune Crime : पुण्यात देशी दारूच्या दुकानात तुफान राडा; ‘त्या’ व्यक्तीने वेधले सगळ्यांचे लक्ष
