नवी दिल्ली : वृत्तसंस्था – संपूर्ण देशात लोकसभा निवडणुकीचं (Lok Sabha) बिगूल वाजलं आहे. यामुळे प्रचाराला मोठा वेग आला आहे. एकमेकांवर टीका- टिपण्णी केली जात आहे. या निवडणुकीच्या पार्श्वभूमीवर स्टार प्रचारकांची यादी जारी करण्यात आली आहे. अनेक पक्षांच्या यादीमध्ये स्टार प्रचारक म्हणून आपल्या मित्र पक्षातील नेत्यांची नावं देखील आहेत. मात्र आता निवडणूक आयोगाच्या नव्या निर्णयानुसार त्यांना आता अशा स्टार प्रचारकांची नावं वगळावी लागणार आहेत.
काय आहे नवीन निर्णय?
केंद्रीय निवडणूक आयोगाच्या तरतुदीनुसार स्टार प्रचारक हे निवडणूक लढविणाऱ्या पक्षाचेच सदस्य असायला हवेत, असे राज्याचे मुख्य निवडणूक अधिकारी यांच्या कार्यालयाने सर्व जिल्हाधिकारी तथा जिल्हा निवडणूक अधिकाऱ्यांना दिलेल्या आदेशात म्हटले आहे. त्यामुळे आता या आदेशानुसार विविध पक्षांना अशी नावे आपल्या स्टार प्रचारकांच्या यादीतून वगळावी लागणारआहेत.
दरम्यान भाजपाकडून जी स्टार प्रचारकांची यादी जाहीर करण्यात आली आहे, त्यामध्ये स्टार प्रचारक म्हणून मुख्यमंत्री एकनाथ शिंदे, उपमुख्यमंत्री अजित पवार आणि केंद्रीय मंत्री रामदास आठवले यांची देखील नावं आहेत. मात्र आता निवडणूक आयोगाच्या आदेशानुसार ही नावे आता वगळावी लागणार आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.