मुंबई : देशातील सार्वत्रिक लोकसभा निवडणुकीच्या निकालांनी (Lok Sabha Election Result 2024) देश आणि राज्य पातळीवर भाजपला चांगलाच धक्का दिला आहे. केंद्रात आणि राज्यात भाजप्रणित आघाड्यांची मोठी पिछेहाट झाली आहे. राज्यातील एकूण 48 लोकसभा मतदारसंघांपैकी भाजपप्रणित महायुतीला अवघ्या 17 जागा मिळाल्या आहेत. तर महाविकास आघाडीला 30 जागा मिळाल्या आहेत. या निकालांनी महायुती आणि भाजपचे नेते प्रचंड अस्वस्थ झाले आहेत.
येत्या चार महिन्यांमध्ये राज्यात विधानसभा निवडणुका होत आहेत. त्यामुळे जनमताची हीच हवा कायम राहिल्यास महाविकास आघाडीला 150 पेक्षा अधिक विधानसभेच्या जागांवर विजय मिळू शकतो. तर भाजप, शिवसेना आणि राष्ट्रवादी काँग्रेसची एकत्रित मजल 125 जागांपर्यंत जाऊ शकते. महाराष्ट्रात विधानसभेतील बहुमताचा आकडा 145 इतका आहे. त्यामुळे 150 जागांवर विजय मिळाल्यास आगामी निवडणुकीत राज्यात महाविकास आघाडी सहजपणे सत्तेत येऊ शकते, असे लोकसभेच्या आकडेवारीवरुन दिसत आहे.
लोकसभा निवडणुकीतील मतांची टक्केवारी
काँग्रेस- 13 जागा (16.92 टक्के)
भाजप- 9 जागा (26.18 टक्के)
ठाकरे गट- 9 जागा (16.72 टक्के)
शरद पवार गट- 8 जागा (10.27 टक्के)
शिंदे गट- 7 जागा (12.95 टक्के)
अजित पवार गट- 1 जागा (3.60 टक्के)
लोकसभा निवडणुकीत कोणाला किती जागांवर विजय मिळाला?
देशपातळीवरील समीकरणं
एनडीए आघाडी- 294
इंडिया आघाडी- 232
इतर-17
भाजप- 240
काँग्रेस- 99
महाराष्ट्रातील खासदारांचे पक्षीय बलाबल
महाविकास आघाडी- 30
महायुती- 17
अपक्ष- 1
महायुतीमधील पक्षीय बलाबल
भाजप- 9
शिवसेना (शिंदे गट)-7
राष्ट्रवादी काँग्रेस-1
महाविकास आघाडीत कोणाला किती जागा?
काँग्रेस- 13
ठाकरे गट-9
शरद पवार गट-8
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
