विधानपरिषद निवडणूक, मनसेचे एकमेव आमदार राजू पाटील यांचा नेमका कोणाला पाठिंबा?
मुंबई:विधान परिषदेच्या 11 जागांसाठी आज मतदानाची प्रक्रिया पार पडत असून 11 जागांसाठी 12 उमेदवार विधान परिषद निवडणुकीच्या रिंगणात आहेत.
या निवडणुकीत सत्ताधारी महायुतीचे 9 उमेदवार निवडणुकीच्या रिंगणात आहेत. तर महाविकास आघाडीने 3 उमेदवार हे निवडणुकीच्या रिंगणात आहेत. 11 जागांसाठी 12 उमेदवार रिंगणात असल्याने प्रत्येक आमदाराला मोठा महत्त्व प्राप्त झाले.
भाजपकडे स्वतःचे 103 अपक्ष आणि इतर आठ असे 111 आमदार आहेत त्यामुळे 23 चा कोटा असल्याने 4आमदार सहजपणे निवडून आणणं भाजपला शक्य होणार आहे. पण पाचवा उमेदवार निवडून आणण्यासाठी भाजपाला चार मतांची गरज असल्याने लहान घटक पक्षातील नेत्यांच्या मताला मोठे महत्त्व प्राप्त झाले आहे. त्यामुळे महाराष्ट्र नवनिर्माण सेनेचे एकमेव आमदार राजू पाटील यांच्या मताला मोठं महत्त्व प्राप्त झाले. त्यामुळे राजू पाटील नेमकं कोणाला मत देणार याची चर्चा राजकीय वर्तुळात सुरू झाली. लोकसभा निवडणुकीत मनसेने महायुतीला पाठिंबा दिल्याने राजू पाटील विधान परिषद निवडणुकीत महायुतीला मतदान करतील यात शंका नाही.पण महायुतीतील कोणत्या उमेदवाराकडे राजू पाटील यांचा कौल असणार यावर राजकीय वर्तुळात तर्क वितर्क लावले जात आहे.
