सोलापूर : बीआरएस पक्षाचे प्रमुख आणि तेलंगणाचे मुख्यमंत्री के. चंद्रशेखर राव (KCR) हे आषाढी वारीनिमित्त दोन दिवसांच्या महाराष्ट्राच्या दौऱ्यावर आहेत. पंढरपूरच्या दौऱ्यासाठी केसीआर (KCR) तेलंगणातून 600 गाड्यांचा ताफा सोबत घेऊन निघाले आहेत.
मटनाचा शाही बेत! पंढरी वारिवर असताना मुख्यमंत्री केसीआर हा प्रकार शोभतो का ? वारकऱ्यांच्या भावनाशी खेळू नका ? पंढरपूर येताना 10 हजार वेळा विचार करा.
पंढरीची वारी पवित्र आहे आपल्या अश्या वागण्याने अपवित्र करू नका.@TelanganaCMO pic.twitter.com/9eKupfbNZk— आ. अमोल गोदावरी रामकृष्ण मिटकरी (@amolmitkari22) June 26, 2023
धाराशिव येथील मुरुम येथे केसीआर यांना आणि त्यांच्या पक्षाच्या नेतेमंडळींना खास मटणाचा बेत ठेवण्यात आलेला आहे. जवळपास दीड -हजार जणांसाठी खास बोकडाची व्यवस्था करण्यात आली असून, त्याचबरोबर चिकनची देखील सुविधा ठेवण्यात आली आहे.
के. चंद्रशेखर राव (KCR) उद्या आपल्या नेत्यांसह पांडुरंगाचं दर्शन घेणार आहेत. त्याचबरोबर तेथे हेलिकॉप्टरमधून पुष्पवृष्टी करण्यात येणार आहे. परंतु उद्या एकादशी असूनही आज त्यांनी मटणाचा बेत आखल्याने सामन्यात चर्चा झाल्याचं पाहायला मिळत आहे. बॅनरवर पांडूरंगाचे फोटो आणि पैशाच्या जोरावर ठिकठिकाणी मटणाचा बेत, असं म्हणत राष्ट्रवादी काँग्रेसचे आमदार अमोल मिटकरी यांनी ट्वीट केलं आहे. पंढरीची वारी ही पवित्र आहे तिला अपवित्र करु नका, असं आवाहन मिटकरी यांनी केलं आहे.
