माझी पशुपालन व दुग्धविकास मंत्री आणि राष्ट्रीय समाज पक्षाचे अध्यक्ष महादेव जानकर यांनी 24 मार्च रोजी महायुतीमध्ये राहण्याचा निर्णय जाहीर केला आणि याचवेळी महादेव जानकर यांच्या राष्ट्रीय समाज पक्षाला एक जागा मिळणार हे निश्चित झालं.
महादेव जानकर हे माढा लोकसभेतून लढणार की परभणी लोकसभेतून लढणार हे मात्र ठरलं बाकी होतं अशातच आता महादेव जानकर हे परभणी लोकसभेतून निवडणूक लढवणार असल्याचे निश्चित झालं असून राष्ट्रवादी काँग्रेस पक्षाचे प्रदेशाध्यक्ष सुनील तटकरे यांनी याबाबतची घोषणा केली आहे.
महादेव जानकर यांच्या राष्ट्रीय समाज पक्षाला राष्ट्रवादी काँग्रेस पक्षाच्या कोट्यातून एक जागा देण्यात आली असून केंद्रीय गृहमंत्री अमित शहा यांच्या उपस्थितीत झालेल्या बैठकीत हा निर्णय घेण्यात आला असल्याची माहितीही यावेळी सुनील तटकरे यांनी दिली त्याच बरोबर महादेव जानकर हे विक्रमी मतांनी परभणीतून विजयी होतील असा विश्वासही सुनील तटकरे यांनी यावेळी व्यक्त केला.
आता महादेव जानकर हे एक एप्रिल रोजी आपला उमेदवारी अर्ज दाखल करणार असून यावेळी मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस अजित पवार बीड लोकसभेच्या भाजपा उमेदवार माजी मंत्री पंकजा मुंडे प्रीतम मुंडे आदी मान्यवर उपस्थित राहणार आहेत…