कोल्हापूर : कोल्हापूरमध्ये शिवसेनेचं महाअधिवेशन भरवण्यात आलं आहे. या अधिवेशनात मुख्यमंत्री एकनाथ शिंदे (Eknath Shinde) यांनी जोरदार भाषण केलं. याच अधिवेशनात काल (शुक्रवारी) खासदार श्रीकांत शिंदे यांनी भावनिक होत मुख्यमंत्र्यांबद्दल आठवण सांगितली होती. यावरून आज मुख्यमंत्री एकनाथ शिंदे यांनी मी बाप आणि नवरा म्हणून अपयशी ठरलोय, अशी जाहीर कबुली सभेमध्ये दिली. या अधिवेशनाला शिवसेनेचे नेते, मंत्री, महिला आघाडी, युवा सेना सगळे उपस्थित होते.
नेमके काय म्हणाले एकनाथ शिंदे?
मी मनमोकळेपणाने सर्व सोडले असते. मी कधीही कोणते पद मागितले नाही. काल श्रीकांतनी माझे डोळे उघडले. कारण मी बाप आणि नवरा म्हणून अपयशी ठरलोय. मी जेव्हा घरी जायचो तेव्हा सगळे झोपलेले असायचे. पिता पुत्रांची भेट महिना महिना होत नव्हती. हे तो तुमच्या समोर बोलला. कारण तो तुम्हाला आपले कुटूंब समजतो. तो बोलला माझ्या बापाचा मला अभिमान आहे, मला पण त्याचा अभिमान आहे. आता तर काय वेळच नाही. कारण संपुर्ण महाराष्ट्र माझे कुटूंब आहे. माझे कुटूंब माझे घर असं माझं नाहीये. माझे कार्यकर्ते आणि राज्याची जनता माझे टॅानिक आहे. हीच लोकं माझे कवच कुंडले आहेत. मारने वाले से बडा बचानावाला होता है असे एकनाथ शिंदे म्हणाले आहेत.
सीएम म्हणजे कॉमन मॅन
राजा का बेटा राजा नही होगा. हे खरंय जो काम करेल तोच राजा होईल. मी पण असच भाषण ऐकायचो आणि आज मुख्यमंत्री झालो. पुढचा मुख्यमंत्री पण आपल्यातूनच झालेला मला अभिमान असेल. ते स्वतःला मालक आणि आपल्याला नोकर समजतात. मुगलांना संताजी धनाजी दिसायचे आता यांना आम्ही दिसतोय. आज मी 3 लाख कोटींची गुंतवणूक आणली. शेती आणि मातीशी माझी नाळ जुडलेली आहे. हेलिकॅाप्टरमधून जावून शेती करणारा पाहिजे की हेलिकॅाप्टर मधून फोटो काढणारा पाहिजे? माझ्या व्याखेत सीएम म्हणजे चीफ मिनिस्टर नाही तर कॅामन मॅन ही व्याख्या आहे असेदेखील एकनाथ शिंदे म्हणाले आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune News : पुण्यात काँग्रेसचा पुन्हा धंगेकर पॅटर्न? ‘त्या’ पोस्टरची होतेय जोरदार चर्चा
Suhani Bhatnagar Death : ‘दंगल’ फेम ‘या’ अभिनेत्रीचे 19 व्या वर्षी निधन
Fire In Tarapur : भयंकर स्फोटानं तारापूर हादरलं ! एमआयडीसीतील में मोल्टास कारखान्याला भीषण आग
ISRO Naughty Boy INSAT-3DS : इस्रो आज रचणार इतिहास! अंतराळात पाठवणार ‘नॉटी बॉय’
Pune Manchar Accident : मंचर जवळ कार-टेम्पो-कंटेनरच्या भीषण अपघात; 3 जणांचा मृत्यू
