मुंबई : शिवसेना आणि एकनाथ शिंदे गटामध्ये सुरू असलेल्या वादंगावर राष्ट्रवादी काँग्रेसचे सर्वेसर्वा शरद पवार यांनी भाष्य केल आहे . त्यांनी मुख्यमंत्री एकनाथ शिंदे यांना एक सल्ला दिला आहे. यावेळी स्वतःचे उदाहरण त्यांनी दिले आहे . ते म्हणले कि , ” जेव्हा मी काँग्रेस मधून बाहेर पडलो तेव्हा वेगळा पक्ष काढला . वेगळं चिन्ह घेतलं , मी काँग्रेस पक्षाचे चिन्ह मागितलं नाही. त्याच्यातून वादविवाद वाढवणे योग्य नाही . “
” धनुष्यबाण हे शिवसेनेचे चिन्ह आहे. एखाद्या पक्षाचे चिन्ह कशाप्रकारे काढून घेणे योग्य नाही. जर एकनाथ शिंदे यांना वेगळी भूमिका घ्यायची असेल , तर ते वेगळा पक्ष काढू शकतात . असे शरद पवार यांनी म्हटले आहे. ”
दरम्यान शरद पवार यांच्या या सल्ल्यावर उपमुख्यमंत्री देवेंद्र फडणवीस यांनी स्पष्टीकरण देताना म्हटले आहे की , जेव्हा शरद पवार यांनी काँग्रेस पक्ष सोडला तेव्हा पक्षांतर बंदी कायदा अस्तित्वात नव्हता . आज पक्षांतर बंदी कायदा अस्तित्वात आहे . म्हणून एकनाथ शिंदे म्हणजेच शिवसेना कायदेशीर लढाई लढत आहे . असे उपमुख्यमंत्री देवेंद्र फडणवीस यांनी म्हटल आहे.