नागपूर : अयोध्येमध्ये बाबरीचा ढाचा पडला तेव्हा आपणही कारसेवेसाठी गेलो होतो, असं देवेंद्र फडणवीस (Devendra Fadnavis) काही दिवसांपूर्वी म्हणाले होते. देवेंद्र फडणवीस यांच्या या दाव्यावर शिवसेना ठाकरे गटाकडून प्रश्न उपस्थित करण्यात आले होते, पण आता देवेंद्र फडणवीस यांनी 30 वर्षांपूर्वी कारसेवेसाठी अयोध्येला गेल्याचे फोटो सोशल मीडियावर शेअर केले आहेत. त्यावेळच्या वर्तमानपत्रातचा फोटो फडणवीस यांनी शेअर केला आहे. यामध्ये नागपूरहून अयोध्येला जाणाऱ्या कारसेवकांमध्ये फडणवीस दिसत आहेत.
फडणवीसांनी दिली ‘ही’ प्रतिक्रिया
कारसेवेचा फोटो सोशल मीडियावर शेअर केल्यानंतर देवेंद्र फडणवीस यांनी प्रतिक्रिया दिली आहे. ‘मी मुर्खांना उत्तर देत नाही, त्यामुळे हे कुठलेही उत्तर नाही. मला नवभारत वृत्तपत्राने त्यावेळचा अंक पाठवला. एका फोटोग्राफरने हा फोटो काढला होता, तो त्यांनी पाठवला. मी त्यांचे आभार मानतो असे ट्विट देवेंद्र फडणवीस यांनी केले आहे.
जुनी आठवण…
नागपूरहून प्रकाशित होणार्‍या ‘दै. नवभारत’ने मला हे छायाचित्र आवर्जून पाठविले. अयोध्येला जाणार्‍या कारसेवकांची नागपूर रेल्वे स्थानकावर गर्दी उसळली, तेव्हाचे हे छायाचित्र.
छायाचित्रकार शंकर महाकाळकर यांनी ते टिपले आहे. उद्या (22 जानेवारी) अयोध्येत… pic.twitter.com/v3NFbCSY1v— Devendra Fadnavis (Modi Ka Parivar) (@Dev_Fadnavis) January 21, 2024
‘त्यावेळची जी काही परिस्थिती होती त्या परिस्थितीची आठवण मला पुन्हा झाली. त्या आनंदात मी ट्वीट केलं आहे, उत्तर देण्याच्या भानगडीतही मी पडत नाही. हे तेच लोक आहेत, ज्या लोकांनी रामाचं अस्तित्व नाकारलं आहे, ज्या लोकांनी राम खरंच त्या ठिकाणी जन्माला आहे होते का, असा प्रश्न विचारला, त्यांना मी उत्तर देत नाही. मी माझ्या आनंदाकरता हा फोटो ट्वीट केला आहे,’ असं वक्तव्य देवेंद्र फडणवीस यांनी केले आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Accident Video : घोडागाडी शर्यतीत ट्रॅकवर चारचाकी उलटली; अपघाताचा Video आला समोर
Viral Video : बैलगाडा स्पर्धेतील बैल उधळल्याने 4 जण जखमी
Shri Ram Chalisa : नित्य श्रीराम चालीसाचे पठण केल्याने होतात ‘हे’ मोठे फायदे
Ram Mandir : 22 जानेवारीच्या सार्वजनिक सुट्टीच्या निर्णायाविरोधात न्यायालयात याचिका दाखल
Ram Mandir : 22 जानेवारीला तुमच्या घरी कशाप्रकारे कराल श्रीरामाची पूजा
Bus Accident : नाशिकमध्ये प्रवाशांनी भरलेल्या बसचा भीषण अपघात
Ram Mandir : कोण आहे कांबळे दाम्पत्य? ज्यांना महाराष्ट्रातून मिळाला रामलल्लांच्या महापुजेचा मान
Kangana Ranaut : ‘अयोध्या म्हणजे आपली व्हॅटिकन सिटी…’, कंगणा राणावतचे वक्तव्य
