मुख्य : (कानात फुसफुस… साहेब काय बोलू… नाही म्हणजे… परवा तुम्ही माझ्यासमोरचा माइकच काढून घेतलात…)
उपमुख्य : ( कानात फुसफुस… तुम्ही सुरुवात तर करा…
मी नंतर हळूच चिठ्ठी सरकवतो…)
मुख्य: तर मी काय म्हणत होतो… आजच्या कॅबिनेटमध्ये आम्ही सर्वांनी मिळून एक मोठा निर्णय घेतलाय…
(पत्रकारांमध्ये कुजबुज : सर्वांनी मिळून म्हणजे मुख्य आणि उपमुख्य असे दोघेच ना ! शू… ‘माइक’लाही कान असतात)*
मुख्य : पेट्रोल पा……च तर डिझेल ती……न रुपयांनी स्वस्त करतोय.
(ब्रेकिंग न्यूज : राज्यात पेट्रोल-डिझेलच्या दरात सरकारकडून
मो………. ठ्ठी कपात; राज्य सरकारचा ऐतिहासिक निर्णय)
उपमुख्य: थांबा मी सांगतो…
*मुख्य* : अहो, मला बोलू द्या… मी राज्याचा मुख्य…
*उपमुख्य* : (कानात फुसफुस : हो, हो… आम्हीच तुम्हाला मुख्य…) तर त्यांना असं म्हणायचंय की…
*मुख्य* : माझं बोलणं तर कम्प्लिट होऊ द्या…
*उपमुख्य* : अजून बऱ्याच घोषणा करायच्यात, थांबा जरा…
तर या या गोष्टींचे निर्णय राज्य सरकारनं घेतले असून हे सर्वसामान्यांचं सरकार आहे. हा, आता काय प्रश्न आहेत ते विचारा…
*पत्रकार १* : पेट्रोल-डिझेल स्वस्तच करायचं होतं तर…
*मुख्य* : आम्ही लवकरच…
*उपमुख्य* : (मुख्यंना मध्येच थांबवत) भविष्यात इंधन दरात आणखी कपात होईल.
*पत्रकार २* : राज्यात पूरसदृश परिस्थिती निर्माण झालीये तरी अजून मंत्रिमंडळ विस्तार नाही. आपत्कालीन परिस्थिती कशी हाताळणार ?
*मुख्य* : आम्ही दोघांनी परवाच गडचि…
*उपमुख्य* : (मुख्यंना मध्येच थांबवत) गडचिरोलीचा दौरा केलाय लवकरच राज्यातल्या इतर भागाची पाहणी करून आवश्यक त्या उपाययोजना करू
*पत्रकार ३* : हे सरकार अडीच वर्षांचा कार्यकाळ पूर्ण करणार का ?
*उपमुख्य* : यावर मुख्य… बोलतील
*मुख्य* : हो तर… एकदम ओकेमंदी…
*पत्रकार १, २, ३*… : सर… सर… सर…
*मुख्य* : (उपमुख्यंनी दिलेली चिठ्ठी खिशात सरकवत) चला…
तेवढ्यात कुणाच्या तरी मोबाइलची रिंगटोन वाजते…
*चिठ्ठी आयी है… आयी है… चिठ्ठी…*
– संदीप चव्हाण
वृत्तसंपादक
TOP NEWS मराठी
