बीड : परळीतील वैद्यनाथ सहकारी साखर कारखान्याच्या अध्यक्षपदी भाजपच्या नेत्या पंकजा मुंडे (Pankaja Munde) तर उपाध्यक्षपदी चंद्रकांत कराड यांची निवड झाली आहे. जवाहर एज्युकेशन सोसायटीच्या निवडणुकीनंतर पुन्हा एकदा साखर कारखान्याच्या निवडणुकीनिमित्त मुंडे बहीण भाऊ एकत्र आल्याने अनेकांच्या भुवया उंचावल्या आहेत. पंकजा मुंडे (Pankaja Munde) यांचा पराभव करण्यासाठी स्थानिक नेत्यांनी प्रयत्न केले मात्र बहिणीला साथ देण्यासाठी धनंजय मुंडे यांनी पुढाकार घेतला आणि पंकजा मुंडे यांची वैद्यनाथ साखर कारखान्याच्या अध्यक्षपदी वर्णी लागली.
Vaishali Hotel : पुण्यातील प्रसिद्ध वैशाली हॉटेलचा वाद थेट पोलिसांत; काय आहे नेमके प्रकरण?
21 पैकी 11 सदस्य पंकजा मुंडे गटाचे
साखर कारखान्याच्या 21 जागांसाठी निवड प्रक्रिया पार पडली. यात 11 सदस्य पंकजा मुंडे तर दहा सदस्य हे धनंजय मुंडे यांचे निवडून आले. त्यानंतर आज अध्यक्ष पदासाठी निवड झाली. यात पंकजा मुंडे यांची अध्यक्षपदी निवड झाली तर राष्ट्रवादी काँग्रेसचे धनंजय मुंडे यांनी यावेळी नव्या कार्यकर्त्याला संधी दिली.
Ambadas Danve : अंबादास दानवे यांचे विरोधी पक्षनेतेपद धोक्यात?
पुन्हा एकत्र येणार का?
या निवडणुकीत 11 संचालक पंकजा मुंडे (Pankaja Munde) तर 10 संचालक धनंजय मुंडे यांचे बिनविरोध निवडून आले. धनंजय मुंडे यांच्या कडून चंद्रकांत कराड यांच्या सारखा अतिशय नवा चेहरा देण्यात आला. चंद्रकांत कराड यांची कारखान्याच्या उपाध्यक्षपदी निवड झाली. त्यामुळे आगामी काळात पुन्हा हे दोघे बहीण भाऊ एकत्र येतात का हे पाहणं महत्त्वाचे ठरणार आहे.
