बहुचर्चित विवेक अग्निहोत्री दिग्दर्शित ‘द कश्मीर फाइल्स’ या चित्रपटाची सध्या जोरदार चर्चा आहे. अवघ्या दोन दिवसात या चित्रपटाने बॉक्स ऑफिसवर चांगलीच कमाई करीत 12 कोटी रुपयांचा गल्ला जमविला आहे.
चित्रपट विश्लेषक तरण आदर्श यांनी नुकतीच ट्विटरवर याबाबतची माहिती शेअर केली आहे. त्यांनी दिलेल्या माहितीनुसार ‘द कश्मीर फाइल्स’ या चित्रपटाने पहिल्या दिवशी शुक्रवारी 11 मार्चला 3.55 कोटींची कमाई केली तर दुसऱ्या दिवशी 8.50 कोटींचा गल्ला जमवला आहे. या चित्रपटाने आतापर्यंत 12.5 कोटींची कमाई केली आहे. दरम्यान काही दिवसात या चित्रपटाच्या कमाईत आणखी वाढ होईल असा अंदाज वर्तविला जात आहे.
दरम्यान या चित्रपटाची अनेक समीक्षकांनी स्तुती केली आहे. या चित्रपटात अनुपम खेर, मिथुन चक्रवर्ती, दर्शन कुमार, पल्लवी जोशी आणि चिन्मय मांडलेकर यांसारखे कलाकार प्रमुख भूमिकेत आहेत.