• जिओ 23.1 Mbps च्या सरासरी 4G डाउनलोड गतीसह सर्वात दमदार
• सरासरी 4G अपलोड स्पीड मध्ये वाढ झालेली जिओ ही एकमेव कंपनी.
• वी इंडिया 4G सरासरी अपलोड स्पीडमध्ये पहिल्या क्रमांकावर
• डाउनलोड आणि अपलोड दोन्हीमध्ये एअरटेल तिसऱ्या क्रमांकावर आहे
देशातील सर्वात मोठी दूरसंचार कंपनी रिलायन्स जिओने 4G डाउनलोड स्पीडमध्ये 2 Mbps वाढीसह आपले पहिले स्थान कायम राखले आहे. भारतीय दूरसंचार नियामक प्राधिकरण (TRAI) ने एप्रिल महिन्यासाठी जारी केलेल्या आकडेवारीनुसार, जिओ चा सरासरी 4G डाउनलोड स्पीड 23.1 Mbps इतका मोजला गेला. मार्च महिन्यात जिओचा सरासरी 4G डाउनलोड स्पीड 21.1 Mbps होता. जिओ सुरुवातीपासूनच ट्रायच्या डाउनलोड स्पीड टेस्टमध्ये पहिल्या क्रमांकावर आहे.
डेटा दर्शवितो की दूरसंचार दिग्गज वी (Vodafone-Idea) चा 4G डाउनलोड वेग सलग दुसऱ्या महिन्यात कमी झाला आहे. तो फेब्रुवारीमध्ये 18.4 एमबीपीएसच्या डाउनलोड स्पीडवरून एप्रिलमध्ये 17.7 एमबीपीएसवर घसरला. वी सह, सरकारी बीएसएनएल चा वेग 5.9 Mbps पर्यंत खाली आला आहे. मार्चमध्ये, एअरटेलच्या डाउनलोड स्पीडने 1.3 Mbps वरून 13.7 Mbps पर्यंत वाढ केली. एप्रिलमध्ये स्पीड 14.1 Mbps पर्यंत वाढला असला तरी तो फेब्रुवारीच्या 15 Mbps स्पीडपेक्षा खूप मागे आहे.
दरवेळेप्रमाणेच मुकेश अंबानींची कंपनी रिलायन्स जिओने सरासरी 4G डाउनलोड स्पीडच्या बाबतीत एअरटेल आणि व्ही ला मागे टाकले आहे. एप्रिल महिन्यात जिओ चा 4G डाउनलोड स्पीड एअरटेलपेक्षा 9.0 mbps आणि वी इंडिया पेक्षा 5.4 mbps जास्त होता. रिलायन्स जिओने गेल्या अनेक वर्षांपासून सरासरी 4G डाउनलोड स्पीडमध्ये सातत्याने प्रथम क्रमांक पटकावला आहे. वी इंडिया दुसऱ्या स्थानावर कायम आहे आणि भारती एअरटेलला तिसऱ्या स्थानावर ढकलले आहे.
वी इंडिया 8.2 Mbps सह सरासरी 4G अपलोड गतीसह चार्टमध्ये शीर्षस्थानी आहे. रिलायन्स जिओने 7.6 एमबीपीएसच्या अपलोड गतीसह दुसरा क्रमांक पटकावला. रिलायन्स जिओ ही एकमेव कंपनी होती जिच्या अपलोड स्पीडमध्ये वाढ झाली. जिथे गेल्या महिन्याच्या तुलनेत वी इंडिया आणि एअरटेलच्या अपलोड स्पीडमध्ये कोणताही बदल झालेला नाही. त्याच वेळी, बीएसएनएलची अपलोड गती 5 एमबीपीएसवर आली आहे. डाउनलोड्सप्रमाणेच सरासरी 4G अपलोड स्पीडमध्ये भारती एअरटेल तिसऱ्या क्रमांकावर आहे. कंपनीने एप्रिल महिन्यात 6.1 Mbps ची सरासरी अपलोड गती नोंदवली.
