नवी दिल्ली- नॅशनल टेस्टिंग एजन्सीने नेट डिसेंबर 2021 आणि नेट जून 2022 सत्राच्या परीक्षेसाठी अर्ज करण्याची शेवटची तारीख पुढे ढकलली आहे. आता विद्यार्थ्यांना 30 मे पर्यंत या परीक्षेसाठी अर्ज करता येणार आहेत.
यापूर्वी अर्ज करायची शेवटची तारीख 20 मे 2022 होती.त्याचप्रमाणे NTA कडून उमेदवारांसाठी करेक्शन विंडो सुरु करण्यात आलीये. या विंडोवर जाऊन उमेदवार आपल्या फॉर्म भरताना झालेल्या चुका सुधारू शकतो. अर्ज करण्यासाठी इच्छुक असणाऱ्या उमेदवारांनी ugcnet.nta.nic.in या अधिकृत वेबसाईटवर जाऊन नोंदणी करावी. अर्जदार यूजीसी नेट अर्ज (UGC NET 2022 Applicaion ) ऑनलाइन पद्धतीनेच जमा करू शकतात. यूजीसी नेट परीक्षा 82 विषयांमध्ये संगणक आधारित पद्धतीने घेण्यात येणार आहे. ज्या अर्जदारांनी व्यवस्थित आणि वेळेत अर्ज जमा केलेला आहे त्या अर्जदारांना युजीसी नेट प्रवेश पत्र 2022 मिळेल.
निर्धारित वेळेनंतर एनटीए फॉर्ममध्ये बदल करण्याची कोणतीही संधी देणार नसल्याने उमेदवारांनी वेळेत अर्जात बदल करण्याची विनंती केली आहे. यूजीसी नेट डिसेंबर 2021 आणि नेट जून 2022 परीक्षा एनटीएच्या संयुक्त विद्यमाने घेण्यात येत आहे. मात्र, परीक्षा केंद्रांची माहिती एनटीएकडून नंतर जाहीर केली जाणार आहे.
UGC NET 2022 साठी असा अर्ज करा-
एनटीए यूजीसी नेट ugcnet.nta.nic.in या अधिकृत वेबसाईटला भेट द्या
होम पेजवर खाली यूजीसी नेट डिसेंबर 2021 आणि जून 2022 साठी ऑनलाइन अर्ज नोंदणी या लिंकवर क्लिक करा.
यूजीसी नेट रजिस्ट्रेशन 2022 पूर्ण करण्यासाठी तपशील भरा आणि पासवर्ड तयार करा.
यूजीसी नेट 2022 अर्ज क्रमांक उमेदवारांच्या नोंदणीकृत मोबाईल क्रमांकावर पाठविण्यात येणार आहे.
आपल्या यूजीसी नेट 2022 अप्लिकेशन नंबर आणि पासवर्डवर लॉग इन करा आणि दिलेला कोड सबमिट करा.
युजीसी नेट अर्ज 2022 भरा.
आता स्कॅन केलेला फोटो आणि सही अपलोड करा.
यूजीसी नेट 2022 नोंदणी शुल्क भरा.
यूजीसी नेट ऑनलाइन फॉर्म 2022 सबमिट करण्याआधी पडताळून पहा, सबमिट करा.
फॉर्मची प्रिंट आऊट काढा आणि जवळ ठेवा.
अर्ज शुल्क
यूजीसी नेट परीक्षेसाठी अर्ज करणाऱ्या General कॅटेगरीतील उमेदवारासाठी 1100 रुपये, EWS/OBC-NCL ५५० आणि SC/ST/ PWD / Transgender साठी 275 शुल्क आहे. अर्ज करायची शेवटची तारीख 30 मे 2022 आहे. अर्ज दुरुस्त करण्यासाठीची विंडो 21 मे ते 23 मे या कालावधीत खुली राहणार आहे. जूनमध्ये ही परीक्षा घेण्यात येणार आहे.
