फॅशन म्हणजे नक्की काय ? असा प्रश्न आजपर्यंत तुम्ही खरंतर स्वतःला विचारला असणार आहे. बऱ्याच वेळा काही जणांचा फॅशन सेन्स खूप छान असतो. मग त्यांचे कपडे पाहून तुम्हालाही मनामध्ये वाटत असेल की, आपणही काहीतरी स्टायलिश ट्राय करावं… पण नेमकी गल्लत इथेच होते की, फॅशन म्हणजे नक्की काय हेच तुम्हाला माहिती नसतं. तर एक गोष्ट महत्त्वाची लक्षात ठेवा. फॅशन म्हणजे आहे कम्फर्ट… तुम्हाला काय शोभून दिसतय आणि त्यात तुम्ही किती कम्फर्टेबल आहात हे महत्त्वाचं ! तेव्हाच कुठे तुम्हाला ते कपडे कॅरी करता येतील. चला तर मग आज आपण पाहूयात की या थंडीच्या दिवसांमध्ये तुम्हाला कम्फर्टेबल आणि छान दिसणारे असे कपडे आणि ॲक्सेसरीज मार्केटमध्ये सध्या कोणत्या ट्रेंडिंग आहेत.
स्कार्फ, जॅकेट्स आणि काऊबॉय शूज हे खरंतर आत्ताच्या फॅशन स्टेटमेंट मध्ये येत नाहीत. पण त्याला तुम्ही स्टाईल कसं करता आहात हे खूप महत्त्वाचं आहे. या काही फोटोज वरून तुम्हाला याचा अंदाज येऊ शकतो की, इतक्या सिम्पल पद्धतीने तुम्ही तुमचा लुक किती उठावदार करू शकता. तर मग सर्वात महत्त्वाचं म्हणजे पहिले तुमच्या वॊर्डरॉबमध्ये प्लेन आणि काही ठराविक स्कार्फ नक्की जमा करा. जसे की ब्लॅक, व्हाईट आणि ब्राऊन…! स्कार्फ घेताना शक्यतो शिमरी घेऊ नका आणि अशा पद्धतीने तुम्ही तो स्टाईल करू शकता. आहे की नाही हा स्टायलिश लुक…!
दुसरं म्हणजे तुमच्या वॊर्डरॉबमध्ये असे काही जॅकेट्स जमा करा कि जे थंडीच्या दिवसांमध्ये तुम्हाला उब तर देतीलच, पण ते तितकेच फंकी सुद्धा दिसतील. जसे की हे जॅकेट…
या जॅकेटमध्ये फार कलर नाहीयेत किंवा खूप डिझाईन देखील नाहीये. प्लेन आणि पेल कलर्स वापरले गेले आहेत. तुम्हाला जर जास्त गडद रंगाचे आणि डिझाईनचे जॅकेट्स आवडत असतील तर तुम्ही प्लेन टी-शर्ट देखील आतून घालू शकता.
जीन्स हा कोणत्याही ऋतूमध्ये सूट करणारा आऊटफिट आहे. पण विशेष करून थंडीच्या दिवसातच प्रेफर केला तर बरा. कारण उन्हाळ्यामध्ये खूप टाईट घालणं काही जणांना आवडत नाही. पावसाळ्यात देखील अनेकींना ते कम्फर्टेबल वाटत नाही. तर मग तुम्ही ब्लू शेडवर असे काही फंकी टॉप्स ट्राय करू शकता. तुम्ही ब्लू जीन्स वर डार्क आणि लाईट कलर देखील सहज घालू शकता ते सूट करतात.
तर मग या मधला तुम्हाला कोणता लूक जास्त आवडला हे आम्हाला कमेंट करून नक्की कळवा.
