तिरुपती बालाजी : देशभरातील प्रसिद्ध असलेल्या मंदिरांमध्ये तिरुपती बालाजी मंदिराचं नाव नेहमीच घेतलं जातं.तिरुमला तिरुपती देवस्थानने प्रथमच खुलासा करत मंदिराची एकूण संपत्ती जाहीर केली आहे. आता तुम्हालाही उत्सुकता निर्माण झाली असेलच की मंदिराकडे एकूण किती टन सोने, रोख रक्कम आणि इतर मालमत्ता आहे.
तिरुमला तिरुपती देवस्थानमने 1933 मध्ये स्थापनेनंतर पहिल्यांदाच संपत्तीची घोषणा केली आहे.दक्षिण भारतातील सर्व मंदिरे ही त्यांच्या सौंदर्यामुळे खूपच प्रसिद्ध असतात. त्यापैकी एक असलेले तिरुपती बालाजी मंदिर आहे. तिरुपती बालाजी मंदिर हे आंध्रप्रदेशातील चित्तूर जिल्ह्यात आहे. हे मंदिर भारतातील सर्वात श्रीमंत मंदिरांपैकी एक आहे. मंदिर न्यासाच्या बोर्डाने 2019 पासून आपली गुंतवणूक आणि गाईडलाईन्स आणखी मजबूत केल्या आहेत.मंदिर ट्रस्टकडे सध्या 10.3 टन सोने आहे. जे राष्ट्रीयकृत बँकेत डिपॉझिट करण्यात आले आहे.
या सोन्याची किंमत सध्याच्या बाजार भावानुसार अंदाजे 5300 कोटी रुपयांपेक्षाही अधिक आहे. यामध्ये 2.5 टन सोन्याचे दागिने आहेत, त्यापैकी अनेक पुरातन वस्तू सुद्धा आहेत.ट्रस्टने खुलासा केलेल्या माहितीनुसार, बँकांमध्ये ट्रस्टच्या मोठ्या ठेवी आहेत. सुमारे 16000 कोटी रुपये बँकांमध्ये ठेवी असल्याची माहिती समोर आली आहे. तिरुपती देवस्थानने त्यांच्याकडे असलेल्या १०.२५ टन सोन्यापैकी ९.८ टन सोने स्टेट बँक ऑफ इंडियाकडे तर बाकीचे सोने इंडियन ओव्हरसीज बँकेत ठेवले आहे. या देवस्थानकडून महाराष्ट्र, दिल्ली, तामिळनाडू, तेलंगणा, ओडिशा, हरयाणा, आंध्र प्रदेश येथील अनेक मंदिरांची देखभाल केली जाते. टीटीडीचे कार्यकारी अधिकारी ए. व्ही. धर्मा सांगतात, मंदिर ट्रस्टची एकूण संपत्ती 2.26 लाख कोटी झाली आहे.
2019 मध्ये मंदिर ट्रस्टकडे 13,025 कोटी रुपयांच्या ठेवी होत्या. यामध्ये आता वाढ होऊन 15 हजार 938 कोटी रुपये इतकी झाली आहे. गेल्या तीन वर्षांत ही गुंतवणूक मोठ्या प्रमाणात वाढली असून आता गुंतवणुकीत 2900 कोटी रुपयांची वाढ झाली आहे. 2019 मध्ये ट्रस्टकडे 7339.74 टन सोने होते. यामध्ये वाढ होऊन आता 2.9 टन इतके सोने झाले आहे. तिरुमला तिरुपती मंदिरात भाविक भरभरून दान करत असतात. यामध्ये रोख रक्कम, सोने-चांदीच्या दागिन्यांसह इतरही मौल्यवान वस्तूंचा समावेश असतो. मंदिर ट्रस्टकडे वेगवेगळ्या ठिकाणी 7 हजार 123 एकर इतक्या परिसरात एकूण 960 स्थावर मालमत्ता आहेत.
मंदिर ट्रस्टने सरप्लस फंड म्हणजेच अतिरिक्त निधी हा केवळ बँकांमध्येच गुंतवलेला आहे. कोणत्याही प्रकारच्या खोट्या वृत्तांवर, अफवांवर विश्वास ठेवू नका. मंदिर ट्रस्टने आपल्याकडील रोख रक्कम, सोने हे बँकेत ठेवले असून सर्व व्यवहार पारदर्शक असल्याचं मंदिर ट्रस्टकडून स्पष्ट करण्यात आलं आहे.
