आजची लाइफस्टाइल आणि धकाधकीच्या आयुष्यात माणसाला अनेक आजारांचा (Health Tips) सामना करावा लागतो. अनेकांना सकाळी झोपेतून उठल्यानंतर डोळ्यांसमोर अंधारी येणे आणि चक्कर येणे अशा समस्यांचा (Health Tips) सामना करावा लागतो. मात्र अशक्तपणा आहे असं समजून आपण याकडे दुर्लक्ष करतो. मात्र हे दुर्लक्ष करणे तुम्हाला चांगलेच महागात पडू शकते. कारण ही लक्षण भयानक आजारांची शक्यता वर्तवतात. त्यामुळं चुकूनही या लक्षणांकडे दुर्लक्ष करु नका. झोपेतून उठल्याबरोबरच अचानक चक्कर येणे यामागे 7 गंभीर आजारांचा धोका असू शकतो. हे आजार घातक ठरु शकतात. त्यामुळं ही लक्षणे हलक्यात न घेता वेळीच डॉक्टरांचा सल्ला घेऊन त्यावर उपचार करा.
अचानक चक्कर का येते?
झोपताना जास्तकरुन रक्ताचा प्रवाह हा पोटाच्या दिशेने असतो. त्यामुळं अचानक उभं राहिल्यानंतर रक्तप्रवास डोक्यापासून पायापर्यंत जातो. ही क्रिया अगदी जलद घडते. त्यामुळं तुमचं डोक गरगरायला लागते किंवा चक्कर येते. म्हणजेच अचानक झोपेतून उठल्यानंतर ब्लड प्रेशर कमी होणं असं आहे. याला ऑर्थोस्टेटिक या पोस्चुरल हायपोटेंशन असं म्हणतात.
अचानक बीपी लो होण्याचे लक्षणे
अंधुक दिसायला लागते
धातीत किंवा खांद्यात वेदना जाणवणे
मन एकाग्र होत नाही
थकवा किंवा अशक्तपणा
डोकेदुखी
हृदयाचे ठोके असमान्य असणे
मळमळणे
गरम होणे किंवा घाम अति प्रमाणात येणे
श्वास फुलणे
‘या’ आजारांचा असू शकतो धोका
व्हिटॅमिन बी 12ची कमतरता किंवा अॅनिमिया असल्यास अचानक डोके गरगरते
डायरिया, उलटी यामुळं शरिरात पाण्याची कमतरता निर्माण होणे
डायबेटीज, थायरॉइडसारखी एंडोक्राइन सारख्या आजारांचा धोका
हृद्याचे ठोके असामान्य होणे
उच्च रक्तदाब, डिप्रेशन यांच्या औषधांचा साइट इफेक्ट
पार्किसन या डिमेंशिया सारखे आजार
गरोदरपणात जाणवणारी अस्वस्थता
डॉक्टरांचा सल्ला घ्या
जर उभे राहिल्यानंतर तुम्हाला गरगरल्यासारखे वाटतं असेल तर लगेचच डॉक्टरांसोबत संपर्क करा व त्यांचा सल्ला घ्या. त्यामुळं तुमच्यावर लगेच उपचार करता येतील.
(टीप :- वरील लेख हा माहिती म्हणून देण्यात आलेला आहे. काही करण्याअगोदर एकदा डॉक्टरांचा सल्ला नक्की घ्या.)