बॉलिवूड अभिनेता सनी देओल (Sunny Deol) एकीकडे त्याच्या ‘गदर 2’ या चित्रपटामुळे चर्चेत आहे तर दुसरीकडे सनी देओल (Sunny Deol) चर्चेत येण्याचं कारण हे त्याच्या मुंबईतील जुहू परिसरात असलेल्या बंगल्याचा लिलाव. सनी व्हिलाचा लिलाव होणार होता. पण 24 तासात हा लिलाव थांबवण्यात आला आहे.
20 ऑगस्ट रोजी सगळ्यांना माहिती मिळाली होती ती बॅंक ऑफ बडोदानं सनी देओलला नोटिस पाठवत त्याचा सनी व्हिला या बंगल्याचा लिलाव करणार असल्याचे सांगितले होते. सनी देओलवर 56 कोटींचं कर्ज होतं आणि त्या कर्जाची परतफेड सनी देओल करू शकला नाही. त्यामुळे त्याचा बंगला हा लिलावासाठी काढण्यात आला. त्याच्या या बंगल्याच्या लिलावाची तारिख देखील जाहीर करण्यात आली होती. हा लिलाव 25 सप्टेंबर रोजी पार पडणार होता. मात्र आज समोर आलेल्या माहितीनुसार बँक ऑफ बरोदानं हा लिलाव थांबवला आहे.
बँकेने लिलावाच्या जाहिरातीत काय म्हंटले होते?
बॅंकेनं जाहिरातीत म्हटलं होते कि, 25 सप्टेंबर रोजी सनी व्हिलाचा लिलाव होणार आहे. या लिलावासाठी प्रॉपर्टीची किंमत ही 51.43 कोटी ठेवण्यात आली आहे. त्यानंतर या किंमतीवरून पुढे हा लिलाव होणार आहे.
सनी देओलच्या वर्कफ्रंटबद्दल बोलायचे झाले तर त्याचा ‘गदर 2’ बॉक्स ऑफिसवर दमदार कामगिरी करताना दिसत आहे. सनी देओलची तारा सिंग ही भूमिका प्रेक्षकांच्या मनावर राज्य करताना दिसत आहे. या चित्रपटानं 10 दिवसात बॉक्स ऑफिसवर जवळपास 377 कोटींची कमाई केली आहे. यामुळे हा चित्रपट लवकरच 400 कोटींचा टप्पा पार करेल.
