छोट्या पडद्यावरील प्रसिद्ध अभिनेत्री श्वेता तिवारी ही नेहमीच काही ना काही कारणांमुळे चर्चेत असते. भोपाळमध्ये झालेल्या पत्रकार परिषदेतील एका वक्तव्यामुळे श्वेता चांगलीच वादाच्या भोवऱ्यात अडकली आहे. ती म्हणाली, ‘माझ्या ब्रा ची साईज देवच घेत आहे.’ तिचं हे विचित्र वक्तव्य ऐकून सोशल मीडियावर चांगलाच वाद निर्माण झाला आहे.
श्वेता तिवारी दमदार अभिनयासह सौंदर्य आणि फिटनेससाठी तिला ओळखले जाते. ती अनेकदा तिच्या वैवाहिक आयुष्यामुळे चर्चेत आली आहे. श्वेता तिवारीच्या आगामी वेबसिरीजचे शुटींग सध्या मध्यप्रदेशातील भोपाळ येथे सुरू आहे. बुधवारी भोपाळच्या जेहन नुमा हॉटेलमध्ये वेबसिरीजच्या संपूर्ण टीमने प्रेस कॉन्फरन्स आयोजित केली होती. त्यावेळी श्वेताने गंमतीत हे विधान केले. त्यानंतर अनेकांनी या वादग्रस्त विधानावर आक्षेप नोंदवला. श्वेताच्या या वादग्रस्त विधानानंतर मध्य प्रदेशातील हिंदू संघटनेने नाराजी व्यक्त केली असून श्वेता तिवारीच्या या वक्तव्याचा विरोध केला जावा आणि जे कलाकार देवाविषयी इतक्या खालच्या पातळीला येऊन बोलत असतील अशा कलारांना इथे शुटींग करण्यात परवानगी देऊ नका असे देखील त्यांनी म्हटले आहे. त्यामुळे श्वेता तिवारीने गंमतीत केलेले हे विधान तिच्या अंगलट येण्याची शक्यता आहे.
श्वेता तिवारी हिंदी टेलिव्हीजनवरील ओळखीचा चेहरा आहे. बिग बॉस 4 ची महाविजेती होती. अनेक मालिका, सिनेमांमध्ये तिने काम केले असून प्रेक्षकांनी तिला प्रचंड प्रेम दिले आहे. श्वेता तिवारी कायम तिच्या वैयक्तिक आयुष्याविषयी चर्चेत राहिली आहे. श्वेताने दोन लग्न केली असून तिची दोन्ही लग्न मोडली आहेत. श्वेताची मुलगी पलक तिवारी देखील सध्या चर्चेत असून अभिनेता सैफ अली खानचा मुलगा इब्राहिम अली खानसोबत ती डेट करत असल्याचे म्हटले जात आहे.