मराठी, हिंदी आणि दाक्षिणात्य चित्रपट सृष्टीतील प्रसिद्ध आणि ज्येष्ठ अभिनेते सयाजी शिंदे (Sayaji Shinde) यांच्यावर शस्त्रक्रिया झाल्याची माहिती समोर येत आहे. सयाजी शिंदे यांच्या हृदयावर शस्त्रक्रिया करण्यात आली आहे. या बातमीने चित्रपट सृष्टी आणि रसिकांमध्ये खळबळ उडाली आहे. मात्र हे प्रकरण नेमके काय आहे हे स्वतः सयाजी शिंदे यांनीच एका व्हिडिओच्या माध्यमातून सांगितले आहे.
गुरुवारी सयाजी शिंदे यांच्या छातीत अचानक दुखू लागल्याने त्यांना दवाखान्यात भरती केले होते. त्यानंतर त्यांच्यावर एक शस्त्रक्रिया झाली. या संदर्भातली सविस्तर माहिती व्हिडिओच्या माध्यमातून सयाजी शिंदे यांनी स्वतः आपल्या सोशल मीडियावर पोस्ट केली आहे.
View this post on Instagram
व्हिडिओत काय म्हणाले सयाजी शिंदे ?
‘माझे जे सर्व रसिक, प्रेक्षक-हितचिंतक यांच्या मला खूप शुभेच्छा आल्या. त्या सगळ्यांना मला एक सांगायचं आहे की, माझी तब्येत चांगली आहे. खबरदारी म्हणून मी काही तपासण्या केल्या होत्या, तेव्हा हृदयात एक ब्लॉकेज होतं, जे सहजर निघालं. भविष्यात नंतर कधीतरी हार्ट अटॅक येऊ शकला असता. असं ते ब्लॉकेज होतं पण ते आता निघालं आहे. पुढचे दहा वर्ष मी छान काम करू शकतो. काळजी करू नका लवकरच आपल्या सेवेत परत येईल. माझ्या बाबतीत च्या बातम्या तुम्ही ऐकत आहात त्या सगळ्या कशाच्या तशाच नाहीत. पण मी ठीक आहे, आनंदी आहे. त्यामुळे तुम्हालाही शुभेच्छा आणि मला शुभेच्छा दिल्याबद्दल धन्यवाद’, अशा शब्दात सयाजी शिंदे यांनी आपला भावना व्यक्त केल्या आहेत.
चित्रपटसृष्टीतील अनेक कलाकार, गायक यांचे हृदयविकाराच्या धक्क्यामुळे निधन झाले आहे. त्यामुळेच सयाजी शिंदे यांना हृदय रोगाच्या कारणाने दवाखान्यात भरती केले असल्याचे समजतात त्यांच्या चाहत्यांना त्यांची चिंता वाटू लागली. मात्र आता त्यांच्यावरची सर्जरी यशस्वी झाली असून ते पूर्णपणे ठीक असल्याची माहिती त्यांनी या व्हिडिओच्या माध्यमातून दिली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Uddhav Thackeray : नकली शिवसेना म्हणता ती तुमची डिग्री आहे का? उद्धव ठाकरेंची मोदींवर टीका
Weather Update : महाराष्ट्रातील ‘या’ जिल्ह्यात हवामान खात्याकडून हाय अलर्ट जारी
Prakash Ambedkar : महाविकास आघाडीने भाजपसोबत 20 जागा फिक्स केल्या; प्रकाश आंबेडकरांचा खळबळजनक आरोप
Loksabha : शिंदे गटाच्या ‘या’ नेत्याला वंचित कडून धाराशिव लोकसभेची उमेदवारी जाहीर
Pune News : शिक्षिकेकडून विद्यार्थ्याला बेदम मारहाण; पुण्यातील धक्कादायक प्रकार
Punit Balan : राज्य अजिंक्य स्पर्धेतील अष्टपैलू खेळाडूंना ‘पुनीत बालन ग्रुप’कडून इलेक्ट्रिक बाईक भेट