मुंबई : रविवारी पहाटे पाच वाजेच्या सुमारास अभिनेता सलमान खान (Salman Khan) याच्या घराबाहेर गोळीबार करण्यात आला होता. यावेळी आरोपींनी एकूण सहा राऊंड फायर केले. त्यातील एक गोळी सलमान खानच्या घराच्या बाल्कनीत देखील झाडण्यात आली होती. ही संपूर्ण फायरिंगची घटना सीसीटीव्हीमध्ये कैद झाली आहे. दुचाकीवरून आलेल्या दोघांनी गोळीबार केल्याचे या व्हिडिओमध्ये दिसत आहे.
आरोपीबद्दल ‘ही’ माहिती आली समोर
अभिनेता सलमान खान याच्या घराबाहेर गोळीबार केलेल्या दोन आरोपींपैकी एक आरोपी हा गुरुग्रामचा असल्याची माहिती समोर येत आहे. दिल्ली पोलिसांच्या सूत्रांनी याबाबत माहिती दिली. दिल्ली पोलिसांच्या सूत्रांनी दिलेल्या माहितीनुसार ज्या दोन आरोपींनी सलमानच्या घराबाहेर गोळीबार केला त्यातील एक आरोपी हा हरियाणाच्या गुरुग्राममधील असल्याचा संशय आहे. संबंधित आरोपीचा हत्या आणि दरोड्या सारख्या अनेक गंभीर गुन्हेगारी घटनांमध्ये सहभाग आहे.
दरम्यान सलमान खान याच्या घरावर गोळीबार झाल्यानंतर संपूर्ण यंत्रणा या प्रकरणाच्या तपासाला लागली आहे. या प्रकरणात आता तिघांना ताब्यात घेण्यात आलं आहे. पनवेल येथून तीन संशयित आरोपींना ताब्यात घेण्यात आलं आहे. या प्रकरणात तीन संशयितांना ताब्यात घेण्यात आलं असून, त्यांची चौकशी सूरू असल्याची माहिती सूत्रांनी दिली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.