मुंबई : दिग्दर्शक नागराज मंजुळे (Nagaraj Manjule) यांची मनोरंजन सृष्टीतील आघाडीचे दिग्दर्शक म्हणून ओळख आहे. त्यांनी कायमच सशक्त कलाकृतींतून सिनेसृष्टीत आपला एक वेगळा ठसा उमटवला आहे. आता लवकरच नागराज मंजुळेंचा (Nagaraj Manjule) एक नवा चित्रपट प्रेक्षकांच्या भेटीला येत आहे. ‘बापल्योक’ असे या चित्रपटाचे नाव आहे. या चित्रपटातून बाप लेकाचा प्रवास मांडला जाणार आहे. नुकतंच या चित्रपटाचे पहिले पोस्टर रिलीज करण्यात आले आहे.
Karisma Kapoor : 27 वर्षांनंतर करिश्मा कपूरने सांगितला ‘त्या’ किसिंगसीन मागचा ‘तो’ किस्सा
नागराज मंजुळे यांनी इन्स्टाग्रामवर एक पोस्ट शेअर केली आहे. या पोस्टरमध्ये एक चौकनी कुटुंब पाहायला मिळत आहे. यात एक मुलगा, त्याचे वडील, आई आणि बहिण पाहायला मिळत आहे. यात ते सर्वजण त्या मुलाकडे कौतुकाने बघत असल्याचे पाहायला मिळत आहे.
या चित्रपटाचे दिग्दर्शन मकरंद माने यांनी केले आहे. तर ‘नाईंटीनाईन प्रोडक्शन्स’चे विजय शिंदे, आणि बहुरूपी प्रोडक्शन्स’च्या शशांक शेंडे आणि मकरंद माने यांनी या चित्रपटाची निर्मिती केली आहे. नागराज मंजुळे (Nagaraj Manjule) हे या चित्रपटाचे प्रस्तुतकर्ते आहेत. या चित्रपटाची कथा विठ्ठल नागनाथ काळे यांनी लिहिली आहे. तसेच पटकथा आणि संवाद मकरंद माने व विट्ठल नागनाथ काळे यांनी लिहिले आहेत. येत्या 25 ऑगस्ट रोजी हा चित्रपट प्रेक्षकांच्या भेटीला येणार आहे.